Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
18.03.2021, 15:36

Татарстан юлларында «Язгы каникуллар» дигән профилактик чара уза

Казанның Дәүләт автоинспекциясе балаларның юл-транспорт имгәнүләрен кисәтү буенча эшне көчәйтте.

Фото: Марат Мугинов

(Казан шәһәре KZN.RU, 18-нче март). Татарстанда «Язгы каникуллар» дигән профилактик чара башланды. 30-нчы мартка кадәр Казан Дәүләт автоинспекциясе хезмәткәрләре балалар катнашында юл-транспорт һәлакәтен кисәтү һәм аларны автомобильләрдә йөртү кагыйдәләрен үтәүне контрольдә тоту эшләрен көчәйтәчәк.

2021 елның ике аенда Татарстанда балалар катнашында 61 юл-транспорт һәлакәте булган, аларда дүрт бала үлгән һәм 63 бала җәрәхәтләнгән. Юл-транспорт һәлакәтендә катнашкан балаларның күбесе - пассажирлар. Ел башыннан 34 юл-транспорт һәлакәте теркәлгән, аларда 4 балигъ булмаган пассажир һәлак булган һәм 34 кеше җәрәхәтләнгән.

Дәүләт автоинспекциясе хезмәткәрләре балаларны ташу кагыйдәләрен бозу очракларын профилактикалау белән шөгыльләнә. Әйтик, 2020 елда автоинспекторлар 12 меңнән артык шундый хокук бозуны кисәткән, 2021 елның ике аенда - 2 меңнән артык хокук бозуны. РФ Юл хәрәкәте кагыйдәләре нигезендә, алгы утыргычта 12 яшьтән кечерәк балаларны, 7 яшькә кадәргеләрне җиңел автомобильнең арткы утыргычында аларның авырлыгы һәм үсешенә туры килә торган балалар өчен махсус утыргычлар кулланып гына йөртергә мөмкин. 12 яшьтән өлкәнрәк балалар куркынычсызлык каешлары белән каешланган булырга тиеш. «Язгы каникуллар» акциясе вакытында дәүләт автоинспекторлары әлеге кагыйдәләрне үтәүне җентекләп тикшерәчәк.

Юл хәрәкәте кагыйдәләрен бозучы балалар да полиция хезмәткәрләре игътибарыннан читтә калмый. Алар турында мәгълүмат алар йөргән мәгариф оешмаларына тапшырыла.

ТР буенча Эчке эшләр министрлыгының ЮХИДИ идарәсе казанлыларны машина йөртүчеләрне дә, җәяүлеләрне дә юлларда игътибарлы булырга һәм кагыйдәләрне тайпылышсыз үтәргә чакыра.

Барлык яңалыклар