Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.02.2018, 15:51

Аккош күлендә Масленица бәйрәмен билгеләп үттеләр

Казанлыларны бәйрәм белән Казан Мэры Илсур Метшин котлады.

(Казан шәһәре KZN.RU, 18-нче февраль). Бүген Казанда Аккош күлләре янында шәһәрлеләрнең яраткан бәйрәмнәреннән берсе Масленица билгеләп үтелде. Масленица атнасының соңгы көнен күңелле уздырырга, шулай ук чаңгы-чаналарда шуарга урман-паркта берничә мең казанлы җыелды. Үзенең кече улы белән килгән Казан Мэры Илсур Метшин, Киров һәм Мәскәү районнары администрациясе башлыгы Сергей Миронов бәйрәмнең хөрмәтле кунаклары булдылар.

Шәһәр башлыгы казанлыларны бәйрәм белән котлады. “Масленица кыш тәмамланганны аңлата. Кыш әлегә бирешми, ләкин кояш инде язгыча кыздыра, - диде Илсур Метшин. – Һәр гаиләгә, һәр казанлыга йөрәкләрегездә, гаиләләрегездә һәм тормышыгызда кояш җылысы телим. Бәхетле һәм сәламәт булыгыз!”

10.00 сәгатьтән шәһәрлеләр яратып ял итә торган урында күңел ачу программасы башланды. Киң мәйданчыкта күп төрле зоналар урын алды: фотога төшү зонасы, уен-көлке зонасы, бала-чага өчен уеннар зонасы. Шәһәрлеләр зур кызыксыну белән кул эшләнмәләрен карап йөрде. Төп сәхнәдә шәһәрнең фольклор ансамбльләре һәм иҗат коллективлары чыгыш ясады. Кунаклар бәйрәмдә борынгы рус рецептлары буенча пешерелгән тәмле коймаклар һәм кайнар чәй белән сыйланды. Гадәт буенча, Масленица карачкысын “Гори, гори ясно, чтобы не погасло” җыры белән яндырдылар. Бәйрәм программасын “5sta Family” төркеме дәвам итте.

Искәртергә кирәк, Май чабу бәйрәме бүген берничә мәйданчыкта үтте. Аккош урман-паркыннан кала, шәһәреләр Сыртланова урамындагы “Калейдоскоп” паркында һәм Горки-Әмәт урманында бәйрәм итте. Кичә бәйрәм Меңьеллык мәйданында боз шәһәрчегендә, “Нагорный” һәм Вознесенское мәдәният йортларында, “Крылья Советов” паркында һәм Мирный бистәсендәге мәдәният йорты янындагы мәйданчыкта үтте.

 

Фоторепортаж
Аккош күлендә Масленица-2018 бәйрәмен билгеләп үттеләр
Видеорепортаж
18.02.2018 15:13
Барлык яңалыклар