Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
19.10.2020, 12:24

Сезонлы эшкуарларга ярдәм итүгә быел Парклар һәм скверлар дирекциясе 1 млн сумнан артык акча юнәлдерде

Паркларда сәүдә нокталары хуҗалары 1-1,5 айга аренда түләүләреннән азат ителде.

Фото: Марат Мугинов

(Казан шәһәре KZN.RU, 19-нчы октябрь, Ксения Швецова). Быел авыр икътисади вәзгыятькә бәйле рәвештә паркларда һәм скверларда сезонлы сәүдә алып баручы эшкуарлар коронавирус пандемиясе аркасында беренче вакытка аренда түләүләреннән азат ителде. Нәтиҗәдә, аларга ярдәм итү өчен 1 млн сумнан артык акча юнәлдерелде, дип хәбәр итте бүген эшлекле дүшәмбедә Парклар һәм скверлар дирекциясе җитәкчесе Марат Закиров.

Агымдагы елның маенда эшкуарлар белән стационар булмаган сәүдә объектларын урнаштыру хокукына аукционнар кысаларында түләүләрне кичектереп тору мөмкинлеге турында килешү төзелгән иде, дип искәртте М.Закиров.

«Без сезонлы эшмәкәрләрнең хәленә кердек, аларны, эш башлануга рөхсәт датасына карап, бер айга-ай ярымга түләүләрдән азат иттек, - диде ул. - Ярдәмнең гомуми суммасы 1 млн 100 мең сум тәшкил итте, бу барлык түләүләр суммасының 20%-ын тәшкил итә».

Үзмәшгульләргә зур ярдәм күрсәтелде, аларга даими рәвештә паркларда уза торган барлык эре шәһәр чараларында бушлай эшләү мөмкинлеге бирелә. Быел алар өчен Горки-Әмәт урманында яңадан зур форум узды, дип искәртте Парклар һәм скверлар дирекциясе җитәкчесе. «Без үз алдыбызга бизнесны, ә аның белән бергә иҗтимагый киңлекләрне дә саклап калу, аларга ярдәм итү һәм үстерү бурычын куябыз», - дип өстәде ул.

Узган җәйге сезонда парк территорияләрен үстерүгә бюджеттан тыш акчаларны җәлеп итү эше дә дәвам итте, дип билгеләп үтте спикер. Барлыгы бюджеттан тыш фондка 25,8 млн сум җәлеп ителде, шуларның күпчелек өлешен - 17 млн сумнан артык - «Казан» гаилә үзәге алып килгән. Узган елда дирекция 16,1 млн сум җәлеп итте, дип хәбәр итте спикер. Коммерция брендлары һәм партнерлары, М.Закиров сүзләренчә, быел парклар үсешен 1 млн сумга хупладылар.

Исегезгә төшерәбез, быел ТР башкаласында шәһәрнең паркларында һәм скверларында сезонлы сәүдә объектларын урнаштыру өчен 15 ноктаны торгларга чыгардылар. 

Тулаем алганда, сезонлы сәүдә нәтиҗәләре буенча Казанның бөтен территориясендә быел объектларның 50%-тан артыгы җәйге верандаларны түләүсез урнаштырудан файдаланды. Бу шулай ук Казан эшмәкәрләренә ярдәм итүнең нәтиҗәле чараларының берсе булды.

Фоторепортаж
Эшлекле дүшәмбе, 19.10.2020
Видеорепортаж
19.10.2020 12:50
Барлык яңалыклар