В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
02.10.2023, 17:47
Петербург урамында 13 яшьлек кызны бәрдергәннәр
Ул юлны тиешсез урында чыккан
Фото: Денис Гордийко
(Казан шәһәре KZN.RU, 2 нче октябрь). Узган шимбәдә 49 яшьлек машина йөртүче Рено автомобилендә 13 яшьлек баланы бәрдергән. Кыз юлны Петербург урамындагы 35 нче йорт каршында тиешсез урында чыккан. Юл-транспорт һәлакәтендә бала имгәнгән, әмма медицина ярдәме күрсәтелгәннән соң кызны өенә кайтарып җибәргәннәр.
Узган ял көннәрендә шәһәрдә барлыгы 151 юл-транспорт һәлакәте теркәлгән. Алты кеше (ике шофер, ике пассажир, җәяүле һәм велосипедчы) төрле дәрәҗәдәге җәрәхәтләр алган.
Административ җаваплылыкка 792 машина йөртүче һәм 241 җәяүле җәлеп ителгән. 107 очракта куркынычсызлык каешларын куллану кагыйдәләре бозылган, 49 очракта машина йөртүчеләр җәяүлеләргә юл бирмәгән, ә балаларны йөртү кагыйдәләрен бозган өчен 14 кешегә штраф салынган. Тагын тугыз автомобильче исерек хәлдә руль артына утырган өчен тоткарланган, дип хәбәр иттеләр Россия Эчке эшләр министрлыгының Казан буенча Дәүләт автоинспекциясе пропаганда бүлегендә.
Шулай ук укыгыз
-
27.09.2025, 10:48 -
26.09.2025, 18:38 -
26.09.2025, 17:25 -
26.09.2025, 16:46