Горький һәм Шаляпин музеенда яңа күргәзмәне актер Николай Якушенкога багышладылар

Горький һәм Шаляпин музеенда яңа күргәзмәне актер Николай Якушенкога багышладылар

<p> </p> <div class="detail-picture"> <img src="https://kzn.ru/upload/iblock/5c9/DEN_8181-870.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 2 нче декабрь). 11 нче декабрьдә Казанның Горький һәм Шаляпин музеенда СССРның халык артисты Николай Якушенконың тууына 125 ел тулу уңаеннан күргәзмә ачыла. Экспозиция актер 32 ел эшләгән Качалов театры белән берлектә әзерләнде, дип хәбәр итә ТР Милли музее матбугат хезмәте. </p> <p> Күргәзмәдә килүчеләр Николай Якушенконың сәхнә костюмнарын, аның Совет рәссамы Семен Ротницкий ясаган портретын, танылган театр рәссамнарыннан артистның шаржларын, спектакльләргә декорацияләр эскизларын, афишаларны, сирәк фотосурәтләрне, актерның кайбер шәхси әйберләрен күрәчәкләр.  </p> <p> Горький һәм Шаляпин музее белән Николай Якушенко тыгыз бәйләнештә булган. Казан сәхнәсендә ул Горький пьесалары буенча күп кенә спектакльләрдә уйнаган. Музейда аның «Старик» спектакленнән костюмы һәм артист кыяфәтендәге авторлык курчагы күрсәтелгән – Якушенко анда актерлык осталыгының иң югары ноктасы дип танылган карт ролендә сурәтләнгән. Пьесаның соңгы варианты М.Горький әсәрләре җыентыгында артист уйнаган роль тексты буенча бастырылган.  </p> <p> «Николай Иванович Якушенконы искә төшереп» күргәзмәсе 11 нче декабрьдә 14:00 сәгатьтә ачыла, керү ирекле. Киләсе көннәрдә, 20 нче гыйнварга кадәр, аны билетлар буенча, шулай ук «Пушкин картасы» буенча карарга мөмкин. </p>

2022-12-02T11:46:11+0300