Казанның меңгә якын укучысы республика чыршысына киләчәк

Казанның меңгә якын укучысы республика чыршысына киләчәк

<div class="detail-picture"> <img src="https://kzn.ru/upload/iblock/38a/38a5484381ecae80079f29b56abb116e.jpg"> <p class="detail-picture__caption"> Марат Мөгыйнов фотосы </p> <p> </p> <p> Бүген «Татнефть Арена» боз сараенда узачак республика Яңа ел чыршысында бер мең Казан яшьләре катнашачак. Чара бөтен Татарстаннан 8,5 мең баланы берләштерәчәк. Бәйрәм Татарстан Республикасы рәисе Рөстәм Миңнеханов ярдәме белән уздырыла. </p> <p> Төп Яңа ел тамашасы 12:00 сәгатьтә башлана. Чарада сәләтле балалар: республика һәм Бөтенроссия олимпиадаларында, спорт ярышларында җиңүчеләр, иҗтимагый хәрәкәт активистлары катнаша. Тантаналы кичәгә шулай ук ятим, сәламәтлеге чикле балалар, интернат учреждениеләрендә тәрбияләнүчеләр һәм авыр тормыш хәлендә калган мәктәп укучылары чакырулы. Кунаклар республиканың барлык 45 муниципаль берәмлегеннән киләчәк. </p> <p> Яңа ел тамашасының эчтәлеге бу елны республика җитәкчелеге ярдәмендә үткәрелә торган кышкы «Күрше» фестивале концепциясенә нигезләнгән. Бәйрәм дуслык, үзара ярдәмләшү һәм бердәмлек идеяләрен чагылдыра. </p> <p> Бәйрәм кәефен булдыру өчен «Татнефть Арена» территориясендә һәм аның тирәсендә тематик фотозоналар эшләнгән. Матур гадәт буенча, республика чыршысында катнашучы һәр кеше билет буенча татлы бүләк алачак. </p> <p> Чараны оештыру эшенә Татарстанның балалар һәм яшьләр иҗтимагый берләшмәләреннән 60 тан артык волонтер җәлеп ителгән. Алар кунакларга ярдәм итәчәк һәм бүләкләр өләшүдә катнашачак. </p> </div> <br>

2025-12-24T10:27:24+0300