Казанда узган хоккей буенча «Фиджитал уеннар»да Мәскәү командасы җиңүче булды

Казанда узган хоккей буенча «Фиджитал уеннар»да Мәскәү командасы җиңүче булды

<p> </p> <div class="detail-picture"> <img src="https://kzn.ru/upload/iblock/174/RY8h9_jlSnw-870.jpg"> <p class="detail-picture__caption"> Фото: vk.com/gamesofuture  </p> </div> <p> (Казан шәһәре KZN.RU, 12 нче декабрь). Мәскәүнең Cosmos командасы Казандагы «Фиджитал уеннар»да хоккей буенча турнирда җиңү яулады. Ярышлар 9 нчы һәм 10 нчы декабрьдә «Татнефть Арена» боз спорт сараенда узды, анда беренчелек өчен 4 команда көч сынашты. </p> <p> Ярымфиналда Naebski блогерлары командасы Казахстан Barys Cyber Team командасын узып китте. Приставкада һәм бозда матчлар 10:4 исәбе белән тәмамланды. Шул ук вакытта Cosmos «Ак Барс» уенчыларына киберөлештә оттырды, әмма көндәшен реаль хоккейда 8:7 исәбе белән отты.  </p> <p> Финал матчында Cosmos блогерлар командасын 7:2 исәбе белән җиңде. Боз мәйданчыгында Мәскәү командасы 12:7 нәтиҗә белән көндәшен отты. 3 нче урын өчен «Ак Барс» һәм Barys Cyber Team командасы көч сынашты. Ярышлар Казан командасы файдасына 18:13 исәбе белән тәмамланды.  </p> <p> Ярышларның махсус кунаклары стримерлар Алексей Пчелкин һәм Александр Парадеев булды, алар Phygital Team төркеменә керүләрен символлаштыручы «Киләчәк уеннары»ның NFC-сертификатларын алдылар, дип хәбәр итә Спорт һәм социаль проектлар дирекциясе матбугат хезмәте.  </p> <p> Моңа кадәр Казанда «Фиджитал уеннар» кысаларында ярышлар һәм көрәш буенча турнир тәмамланган иде. Халыкара ярышлар сериясенең гомуми приз фонды 5,5 млн сум тәшкил итә. Ярышларда барлыгы 18 команда катнаша.  </p> <p> «Фиджитал уеннар» ТР башкаласында 2024 елда шәһәрдә узачак «Киләчәк уены» турниры алдыннан сынау чаралары буларак уздырыла. Барлыгы 5000 нән артык катнашучы көтелә. Бөтен дөнья буенча кибер ярышларны онлайн-тамашачы буларак 150 миллионга кадәр кеше карар дип көтелә. </p>

2022-12-12T13:32:31+0300