«Итил» Идел буе халыклары мәдәнияте фестивалендә 10 меңгә якын кеше катнашкан

Казанлылар һәм шәһәр кунаклары музыка, бию перформанслары, тематик арт-объектлар һәм милли ашлар аша этник сәнгать белән таныштылар.

Фото: Марат Мөгыйнов

(Казан шәһәре KZN.RU, 22 нче август, Юлия Летникова). Узган ялларда Казанның Горький паркында «Итил» Идел буе халыклары мәдәнияте фестивалендә 10 меңгә якын кеше булды, дип хәбәр итте бүген эшлекле дүшәмбе вакытында Казан Башкарма комитеты җитәкчесе урынбасары Гүзәл Сәгыйтова.

Паркның яшел кыры этник сәнгать сөючеләрнең төп локациясенә әверелде, анда казанлылар һәм шәһәр кунаклары музыка, бию перформанслары, тематик арт-объектлар, милли ашлар аша Идел буе халыкларының заманча мәдәнияте белән таныштылар. Бәйрәмнән репортажны KZN.RU порталы материалында укыгыз.

Узган ял көннәре «Аксенов-фест» фестивале белән дә истә калды, ул быел язучының 90 еллыгына багышланган иде. Шулай итеп, «Йолдызлы билет» әдәби премиясен тапшыру тантанасы узды, аңа быел «Казан» журналы редакциясе лаек булды. Моннан тыш, фестиваль көннәрендә язучы исемендәге скверда истәлекле тамарикс куаклары утырттылар, ә Казан яшь тамашачы театрында Василий Аксенов әсәрләре буенча куелган «Гена Стратофонтовның маҗаралары» спектаклен күрсәттеләр. Фестиваль «Черек күл» паркында «Мин Казанны төшләремдә күрәм…/ Нынче детство мне явилось...» музыкаль-шигъри тамаша белән тәмамланды, анда GAUGA төркеме, композитор Радик Сәлимов, Казанның яшь шагыйрьләре, театр артистлары катнашты.