«Милосердие» православие үзәге казанлыларга юридик ярдәм күрсәтә

Мөрәҗәгатьләр Могҗиза кылучы Ярославль храмында кабул ителә.

Фото: Денис Гордийко

(Казан шәһәре KZN.RU, 12 нче апрель). Казанның «Милосердие» православие үзәге базасында юридик кабинет эшли. Автоном коммерцияле булмаган оешма хезмәткәрләре һәм волонтерлары авыр ситуациядә калган кешеләргә, шул исәптән Украинадан китәргә мәҗбүр булган гражданнарга да түләүсез ярдәм күрсәтәләр.

Мөрәҗәгатьләр телдән, язмача яки электрон рәвештә Изге Феодор, Давид һәм Константин князьлары, Ярославль могҗиза кылучылар гыйбадәтханәсендә кабул ителә, дип хәбәр ителә Татарстан митрополиясе сайтында.

Мөрәҗәгатьтә гариза бирүченең фамилиясен, исемен һәм атасының исемен (булган очракта), җавап бирү өчен почта, электрон адресны күрсәтергә кирәк. Мөрәҗәгатьтә китерелгән мәгълүматларны раслау өчен тиешле документларны яки аларның күчермәләрен беркетү таләп ителә. Документлар Николай Ершов ур., 25 (индекс 420061) адресы буенча кабул ителә. Шулай ук мөрәҗәгатьләрне Glu4ar@gmail.com электрон почтасына да юлларга мөмкин.

Юридик кабинет сишәмбе көнне 10:00 сәгатьтән 14:00 сәгатькә кадәр эшли. Белешмәләр өчен телефон: +7(843) 264-65-13.