Россия кулланучылар күзәтчелеге: Татарстанның медицина оешмаларында мәҗбүри битлек режимы кертелде

Ведомство мәгълүматларына караганда, республикада грипп һәм ОРВИ белән авыручылар саны эпидемия бусагасыннан 82% ка артып киткән.

Фото: Денис Гордийко

(Казан шәһәре KZN.RU, 15 нче декабрь). Татарстанда бүгенге көннән грипп һәм ОРВИ белән авыручылар саны арту сәбәпле чикләү чаралары кертелде. Тиешле карарны Россия кулланучылар күзәтчелегенең ТР буенча идарәсе җитәкчесе, республиканың баш дәүләт санитар табибы Марина Патяшина имзалады.

Документ нигезендә, медицина оешмаларында стационар авырулар (катлаулы авырулар һәм урын өстендәге авырулар искәрмә булып тора) янына (милек формаларына карамастан), шулай ук мәгариф учреждениеләрендә һәм социаль хезмәт күрсәтү объектларында булган балалар һәм өлкәннәр янына йөрү туктатыла.

Мәҗбүри битлек режимы медицина оешмаларының персоналына һәм килүчеләренә, шулай ук балалар һәм өлкәннәр тәүлек әйләнәсендә булган учреждениеләр хезмәткәрләренә кагыла.

Медицина, мәгариф учреждениеләрендә, шулай ук балалар һәм өлкәннәр тәүлек буе йөри торган социаль хезмәт күрсәтү оешмаларындагы пациентларның температурасын көнгә ике тапкыр үлчәргә кирәк.

Грипп һәм ОРВИ сәбәпле сыйныфта, төркемдә яки учреждениедә 20% һәм аннан да күбрәк бала булмаган очракта, мәгариф оешмаларында укыту яки тәрбия процессын туктату күздә тотыла.

Моннан тыш, медицина һәм мәгариф учреждениеләрендә, балалар һәм өлкәннәр тәүлек буе йөри торган социаль хезмәт күрсәтү объектларында, милек формасына бәйсез рәвештә пассажир транспортында дезинфекция үткәрү режимы көчәйтелде.

Россия кулланучылар күзәтчелегенең ТР буенча идарәсе мәгълүматларына караганда, республикада ОРВИ һәм грипп белән авыручылар саны 10 мең кешегә 77,7 тәшкил иткән. Бу эпидемия бусагасыннан 82% ка артып китә. Татарстанда грипп белән авыруның барлыгы 198 очрагы теркәлгән, аларның 182 се яки 92% ы А гриппына (H1N1/2009) карый.

Шулай ук укыгыз

Барлык яңалыклар