Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
25.11.2020, 15:19

Рөстәм Миңнеханов һәм Константин Тимофеев өлеш кертеп төзүнең проблемалы объектлары турында фикер алыштылар

Очрашуда Р.Нигъмәтуллин, И.Метшин, И.Нәфыйков, М.Айзатуллин һәм башкалар катнашты.

Фото: ТР Президенты матбугат хезмәте

(Казан шәһәре KZN.RU, 25-нче ноябрь). Бүген Татарстан Республикасы Президенты Рөстәм Миңнеханов «Өлеш кертеп төзүдә катнашучы гражданнарның хокукларын яклау фонды» гавами хокукый компаниясе генераль директоры Константин Тимофеев белән очрашты.

ТР Хөкүмәте йортында узган очрашуда Казан Мэры Илсур Метшин, ТР Премьер-министрының беренче урынбасары Рөстәм Нигъмәтуллин, ТР прокуроры Илдус Нәфыйков, ТР төзелеш, архитектура һәм торак-коммуналь хуҗалык министры Марат Айзатуллин һәм башкалар катнашты.

Очрашу барышында өлеш кертеп төзүнең проблемалы объектларын төзеп бетерү турында фикер алыштылар. Казанга эш сәфәре барышында К.Тимофеев «МЧС» торак комплексының төзелеш мәйданчыгын карады. Ул билгеләп үткәнчә, эшләрне төгәлләү өчен 2 млрд сум таләп ителә - бу акчалар, К.Тимофеев сүзләренчә, федераль бюджеттан тулы күләмдә бүлеп бирелгән.

Исегезгә төшерәбез, «МЧС» торак комплексындагы йортларны төзү 2008 елда башланган иде. Бүген биредә эшләр өлешчеләргә ярдәм итү федераль программасы буенча бара - дүрт йорт төзелә. Объектны киләсе елда тапшыру планлаштырыла.

«Быел зыян күргән гражданнар проблемаларын хәл итүгә 100 млрд сум акча бүлеп бирделәр - бу бик зур сумма, - дип билгеләп үтте К.Тимофеев. - Республикада яңа проблемалы объектлар барлыкка килмәс дип өметләнәбез».

Бүген республикада алданган өлешчеләргә ярдәм итү буенча ике программа гамәлдә: төбәк программасы буенча эшләү өчен 2018 елда төзелгән республика программасы һәм федераль программа, дип хәбәр итә ТР Президенты матбугат хезмәте.

Казанда бүген алданган өлешчеләрнең 7 проблемалы объекты файдалануга тапшырылмаган.

Исегезгә төшерәбез, бүген Татарстан башкаласында «Фон» банкрот компаниясенең Нокса авышлыгында урнашкан чираттагы озакка сузылган төзелешен - «Молодежный» торак комплексының 190 фатирлы икенче йортын тапшырдылар.

Барлык яңалыклар