Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
19.09.2020, 14:54

21 сентябрьдән Татарстанда балалар күңел ачу үзәкләре һәм уен бүлмәләре ачыла

Бу көннән башлап җәмәгать биналарының рөхсәт ителгән сыйдырышлыгы артты.

Фото: Казан шәһәре KZN.RU

(Казан шәһәре KZN.RU, 19-нчы сентябрь). 21-нче сентябрьдән Татарстанда короновирус инфекциясе таралу белән бәйле кертелгән тагын кайбер чикләүләр алына. Тиешле карарны республика Премьер-министры Алексей Песошин имзалады.

Документ нигезендә, 21-нче сентябрьдән ачык мәйданчыкларда тамашачылар саны 100 дән 200-гә арткан. Ябык биналарда (концертларда, күңел ачу, спорт һәм башка чараларда) 100-гә кадәр тамашачы җыела ала – ләкин бер кеше башына мәйдан 4 квадрат метр булырга тиеш.

Аквапаркларның, кинотеатрларның, театрларның, циркларның, спорт ареналарының тулылыгын гомуми сыйдырышлылыгыннан 70%-ка кадәр арттырырга рөхсәт ителде (элек 50% иде).

Шулай ук җәмәгать туклануы учреждениеләрендә урыннарның 70%-ка кадәр тутырылуы рөхсәт ителә. Ачык террасаларда бер үк вакытта 200 кунак (алданрак 100 кунак) булуы мөмкин, ябык биналарда – 100 кешегә кадәр. Моннан тыш, 21-нче сентябрьдән кафе һәм рестораннарда бер өстәл артындагы кунаклар саны буенча чикләүләр бетерелә. Өстәлләр арасындагы 1,5 метр ераклык саклана.

21-нче сентябрьдән балалар өчен уен бүлмәләре һәм балалар күңел ачу үзәкләренең эше Россия кулланучылар хокукларын яклау һәм кеше иминлеге өлкәсендә күзәтчелек федераль хезмәте Идарәсенә алдан язмача хәбәр итү шарты белән рөхсәт ителә. Биналарда бер үк вакытта булырга мөмкин кешеләр саны буенча чикләүләр үтәлергә тиеш. Ул, хезмәткәрләрне дә кертеп, 1 кеше исәбенә 4 квадрат метр мәйданны тәшкил итә.

65 яшьтән өлкәнрәк республика халкына эпидемиологик вәзгыятькә бәйле өйдә калырга киңәш ителә.

 

Барлык яңалыклар