28 марттан 5 апрельгә кадәр Казанда кайбер сәүдә объектлары һәм төрле оешмалар эшләмәячәк

Даруханәләр, шулай ук беренче кирәк-ярак продуктларны һәм товарларны сатучы кибетләр искәрмә булып тора.

(Казан шәһәре KZN.RU, 28-нче март). Киләсе атнада - 28-нче марттан 5-нче апрельгә кадәр (ул бөтен ил буенча эшләми торган атна дип игълан ителде) - Казанда төрле хезмәтләр күрсәтүче берничә сәүдә объекты һәм оешмасы эшләмәячәк. Даруханәләр, шулай ук беренче кирәк-ярак продуктларны һәм товарларны сатучы кибетләр искәрмә булып тора.

28-нче марттан 5-нче апрельгә кадәр түбәндәге тармаклар ябылачак:

Мәйданы 100 кв.м. дан артык булган сәнәгать товарлары кибетләре һ.б.

Күңел ачу үзәкләре, кинотеатрлар, фуд-кортлар, матурлык салоннары, маникюр салоннары, сәүдә үзәгендәге һәм сәүдә-күңел ачу үзәгендәге балалар уен зоналары;

Матурлык салоннары, спа-салоннар, мунчалар, сауналар, косметик һәм массаж салоннары, солярияләр;

Кафе, рестораннар, кофейнялар һ.б.лар (китерү мөмкинлеге яки заказны чыгару мөмкин);

Кинотеатрлар;

Кальян заллары;

Аквапарклар;

Автосалоннар.

Сәүдә үзәкләренең азык-төлек секцияләрендә һәм кибетләрнең 100 кв.м дан да кимрәк мәйданлы урыннарында урнашкан зоокибетләр үз эшләрен дәвам итәчәк.

Санаторияләр элегрәк рәсмиләштерелгән килешүләр буенча хезмәт күрсәтәчәк, яңа килешүләр төзелмәячәк, дип хәбәр итә Кулланучылар базары һәм хезмәтләр комитеты.

Исегезгә төшерәбез, 26-нчы марттан башлап Татарстанда спорт үзәкләре, йөзү бассейннары, фитнес-үзәкләр, кинотеатрлар һәм кинозаллар, төнге клублар, балалар уен бүлмәләре, балалар күңел ачу үзәкләре һәм башка күңел ачу оешмалары эше туктатылган.

28-нче марттан, беренче кирәкле продуктларны һәм товарларны сатучы бүлекләрдән тыш, барлык сәүдә, сәүдә-күңел ачу үзәкләре һәм комплекслары ябыла, дип хәбәр итте ТР Министрлар Кабинетында видеоэлемтә режимында узган брифингта ТР Премьер-министры урынбасары, коронавирус инфекциясе таралуга каршы республика штабы башлыгы Ләйлә Фазлыева.

Шулай ук укыгыз

Барлык яңалыклар