Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
22.10.2020, 11:30

Бүген Казанда маршрутларга 25 яңа газ-мотор автобусы чыкты

Хәрәкәтчән состав 36-нчы һәм 45-нче номерлы маршрутларда тулысынча яңартылачак.

Фото: Транспорт комитеты

(Казан шәһәре KZN.RU, 22-нче октябрь). Бүген Казанда маршрутларга 25 яңа газ-мотор автобусы чыкты. Алар пассажирларны ике шәһәр маршруты буенча йөртәчәк - 36-нчы номерлы - «Вещевой рынок - Осиново» һәм 45-нче номерлы - «Ферма-2 - Су Анасы».

«ПАТП-4» муниципаль унитар предприятиесе автопаркыннан беренче рейска 6 яңа автобус китте. Транспорт рәсмиләштерү процедурасын үтте, предприятиенең техник хезмәте барлык кирәкле эшләрне башкарды. «ПАТП-2» муниципаль унитар предприятиесе гаражыннан шулай ук беренче рейска бүген 19 яңа газ-мотор автобусы китте, дип хәбәр итә Казан Транспорт комитеты.

Әйтергә кирәк, 36-нчы һәм 45-нче номерлы маршрутларда хәрәкәтчән состав тулысынча яңартылачак.

Исегезгә төшерәбез, «Юл хуҗалыгын үстерүнең гомумсистема чаралары» федераль проекты һәм «Имин һәм сыйфатлы автомобиль юллары» милли проекты кысаларында Казан автотранспорт паркы газ-мотор ягулыгында эшләүче 53 яңа «НефАЗ» автобуслары белән тулыланды. Сентябрьдә «ПАТП-4» муниципаль унитар предприятиесенә 23 яңа автобус килде, октябрьдә «ПАТП-2» муниципаль унитар предприятиесенә тагын 30 яңа автобус кайтты. 

Барлык яңалыклар