Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
16.08.2021, 16:25

Лаеш районының җиде җир кишәрлеге Казан чикләренә кертелде

Кушылган территориядә күнегүләр, чаңгы һәм биатлон буенча ярышлар уздыру өчен спорт комплексы урнашачак.

Фото: Казан шәһәре KZN.RU

(Казан шәһәре KZN.RU, 16-нчы август, Ксения Швецова). Лаеш районының җиде җир кишәрлеге Казан муниципаль берәмлеге чигенә кертелде. Казан шәһәре Думасының VIII сессиясе утырышында депутатлар шәһәрнең Генераль планына үзгәрешләр кертте, ул Ратушада узды.

Аерым муниципаль берәмлекләрнең территорияләре чикләрен үзгәртү турындагы Татарстанның тиешле законы узган елның июлендә кабул ителде һәм ноябрьдә үз көченә керде, дип искәртте шәһәрнең баш архитекторы урынбасары Тимур Кадыйров.

«Шушы закон нигезендә Казан муниципаль берәмлеге чигенә элек Лаеш районына караган җиде җир кишәрлеге кертелде. Бу территориянең гомуми мәйданы 129 га», – диде ул.

Яңа территория рекреацион максатлар өчен кулланылачак. Т.Кадыйров сүзләренә караганда, кушылган территориядә төбәк әһәмиятендәге объектны урнаштыру планлаштырыла «Чаңгы ярышлары һәм биатлон буенча күнегүләр һәм ярышлар үткәрү өчен спорт комплексы».

РФ Шәһәр төзелеше кодексы нигезендә, генпланга рекреацион билгеләнештәге зоналарны билгеләү максатларында торак пунктларның чикләрен үзгәртүне күздә тоткан үзгәрешләр кертү иҗтимагый фикер алышулар яисә гавами тыңлаулар үткәрмичә гамәлгә ашырыла, дип ассызыклады Казанның баш архитекторы урынбасары.

Депутатлар карар проектын хуплады һәм кертелә торган үзгәрешләр кабул итте.

Фоторепортаж
Казан шәһәре Думасының VIII сессиясе, 16.08.2021
Барлык яңалыклар