Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
10.03.2020, 09:22

Зур Казан боҗрасы төзелешенең икенче этабы башланды

Төзелештә 79 инженер-техник персонал һәм 15 берәмлек техника эшли.


(Казан шәһәре KZN.RU, 10-нчы март). Казанда Борисково урамыннан Техника урамына кадәрге участокта Зур Казан боҗрасының икенче этабы төзелеше башланды. Участокның озынлыгы 1,22 км тәшкил итә. Төзелештә 79 инженер-техник персонал һәм 15 берәмлек техника эшли.

Дүрт полосалы юл беренче класслы магистраль урам категориясе буенча һәр юнәлештә ике полоса белән проектланган.

Икенче этап кысаларында коммуникацияләрне үзгәртеп кору, яңгыр канализациясен һәм чистарту корылмаларын, терәк диварларын, светофор объектларын, тышкы яктыртуны чараларын урнаштыру, трамвай юлларын төзү каралган. Шулай ук Монастырь ермагы аша 70,78 м озынлыктагы күпер төзеләчәк.

Хәзерге вакытта участокта төзелеш мәйданчыкларын урнаштыру, төзелеш өчен инерт материаллары китерү эшләре бара. Шулай ук коммуникацияләрне яңадан урнаштыру эшләре башланды: газ белән тәэмин итү, су белән тәэмин итү һәм канализация, элемтә һәм электр белән тәэмин итү челтәрләрен чыгару.

Монастырь ермагы аша күпер төзү өчен 1-нче һәм 3-нче номерлы терәк-таяныч диварларында бораулау субайлары урнаштырыла. Шпунт киртәсен төзү һәм 1-нче номерлы терәкнең ростверкларын урнаштыру өчен нигез чокырын эшләү төгәлләнде. 2-нче номерлы терәктә шпунт киртәсе урнаштыру эшләре башкарыла.

700 м озынлыктагы беренче эшләтеп җибәрү комплексын 2020 елда тапшыру планлаштырыла, 522 метрлы икенчесен – 2021 елда, дип хәбәр итә ТР Транспорт һәм юл хуҗалыгы министрлыгы матбугат хезмәте.

Быел Казанда «Имин һәм сыйфатлы автомобиль юллары» илкүләм проекты кысаларында юл эшләренә барлыгы 5 млрд 45 млн сум бүлеп бирелгән.

Исегезгә төшерәбез, Зур Казан боҗрасының беренче этабы 2019 елның июлендә «Имин һәм сыйфатлы автомобиль юллары» илкүләм проекты буенча төзелә башлады.

Барлык яңалыклар