Иртәгә Казанда томан һәм 26 градуска кадәр җылылык фаразлана

Иртәгә Казанда томан һәм 26 градуска кадәр җылылык фаразлана

<p> Татарстанда ял көннәрендә җылы һәм коры һава торышы көтелә. Бу хакта республиканың Гидрометеорология үзәге хәбәр итә. </p> <p> Иртәгә Казанда явым-төшемсез алмашынучан болытлы һава көтелә. Төнлә һәм иртән урыны белән томан булуы ихтимал, һава температурасы +11..+13 градусны тәшкил итәчәк, түбән урыннарда +6..+8 градуска кадәр суыта. Көндез термометр баганалары +24..+26 градуска кадәр күтәреләчәк. </p> <p> Гомумән алганда, Татарстанда 7 һәм 8 сентябрь, ял көннәрендә явым-төшем көтелми. Төнге температура +4..+9 градус чикләрендә, ТРның көнбатышында – +12 градуска кадәр булыр дип көтелә. Көндез һава +21..+26 градуска кадәр җылыначак. </p> <p> Беренчел фаразлар буенча, киләсе атна башында, 9-10 сентябрьдә, антициклональ һава торышы сакланачак. Бу чорда явым-төшем ихтималы зур булмаячак. Татарстанлыларны бераз җылыту көтә: төнлә температура +8..+14 градус, көндез – +22..+27 градус булачак. </p> <p> Уртача тәүлеклек температура күрсәткечләре климат нормасыннан 3-5 градуска артыграк булачак. </p>

2024-09-06T14:38:00+0300