Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
17.07.2020, 11:42

«Уртак Җиңүдән - уртак дөньяга» автоузышында катнашучылар Казанга килде

Патриотик автоузыш Владивостокта 22-нче июньдә - Бөек Ватан сугышы башлану көнендә старт алды.


(Казан шәһәре KZN.RU, 17-нче июль, Алинә Бережная). Бүген Казанга «Уртак Җиңүдән - уртак дөньяга» халыкара патриотик автоузышта катнашучылар килде. Җиңү паркында мемориаль комплекс янында алар 200 кв.м мәйданлы Җиңү Байрагы күчермәсен һәм 300 метр озынлыктагы георгий тасмасын җәелдерделәр.

Патриотик автоузыш Владивостокта 22-нче июньдә - Бөек Ватан сугышы башлану көнендә старт алды. Бер айга якын акциядә катнашучылар 8 мең километрдан артык юл узган. Омск, Суздаль, Чита, Ачинск, Төмән, Иркутск, Уфа һәм башка дистәләгән шәһәрләрне үткәннәр. Колоннаны М-20 «Җиңү» ГАЗ легендар автомобиле җитәкләде. Автоузышта катнашучылар 200 кв.м тирәсе мәйданлы Җиңү Байрагы күчермәсен һәм 300 метр озынлыктагы георгий тасмасын бөтен ил аша йөртәчәк. «Безнең төп бурыч - бөтен ил аша үтү генә түгел, ә кешеләргә килү һәм Җиңү символларын күрсәтү. Һәр шәһәрдә, авылда, үз геройлары бар, сугыш һәр гаиләгә кагыла, димәк, Җиңү уртак, барысы өчен дә бер», - дип сөйләде Владимир өлкәсенең «Юнармия» хәрәкәте төбәк штабы башлыгы, «Уртак Җиңүдән - уртак дөньяга» проекты җитәкчесе Павел Григорьев.

Шулай ук автоузышта катнашучыларның үзләре белән бергә Казан Изге ана иконасы исемлеге дә бар, ул алга таба Россия Кораллы Көчләренең төп гыйбадәтханәсе - Воскресение храмына тапшырылачак.

Бәйрәмчә рух астында автоузышта катнашучылар Татарстан десантчылары берлеге вәкилләре һәм республиканың яшь армиячеләре белән бергә Җиңү Байрагы күчермәсен һәм Георгий тасмасын җәелдерделәр.

Акциядә катнашучыларга рәхмәт сүзләре белән «Юнармия» төбәк хәрби-патриотик хәрәкәте штабы җитәкчесе Александр Бородин мөрәҗәгать итте. «Без Казанның сезнең маршрут уза торган шәһәрләр арасында булуына шатбыз. Сездә бик мөһим - тарихи хәтерне саклау миссиясе. Сезгә әле катлаулы юлны җиңәргә кирәк, юлыгызда уңышлар, ныклык һәм маршрутны уңышлы тәмамлавыгызны телибез», - диде А.Бородин.

Автоузышта катнашучылар инде иртәгә Арзамас шәһәрендә булачак. Алар маршрутында финал ноктасы Мәскәү булачак, бирегә легендар «Җиңү» 3-нче сентябрьгә киләчәк. Бу көнне җиде ил вәкилләре катнашында түгәрәк өстәл узачак.
Фоторепортаж
Казанга «Уртак Җиңүдән - уртак дөньяга» автоузышында катнашучылар килде
Барлык яңалыклар