Казан акваториясендә кече суднолар хәрәкәте чикләнә

Чикләүләр триатлон буенча ярышлар, “Мин күкне сайлыйм!” авиабәйрәме һәм авиаярышлар вакытында гамәлдә була.

(Казан шәһәре KZN.RU, 6-нчы июль). Казансу елгасы акваториясендә триатлон буенча Ironstar&Timerman ярышлары, “Мин күкне сайлыйм!” авиация бәйрәме узган вакытта кече сулнолар хәрәкәте тыелачак. Чикләүләр кече судноларга, җилкәнле, спорт судноларга, гидроциклларга, байдаркаларга, ишкәкле көймәләргә кагыла. Тиешле карар ТР Министрлар кабинетында имзаланды.

Казансу елгасының Кремль дамбасыннан “Меңьеллык” күперенә кадәрге өлешендә чикләүләр түбәндәге вакытларга кертелә:

21 июль 9.00 сәгатьтән 14.00 сәгатькә кадәр;

22 июль 9.00 сәгатьтән 14.00 сәгатькә кадәр;

3 август 9.00 сәгатьтән 17.00 сәгатькә кадәр;

4 август 6.00 сәгатьтән 13.00 сәгатькә кадәр;

5 август 9.00 сәгатьтән 17.00 сәгатькә кадәр;

10 август 15.00 сәгатьтән 23.00 сәгатькә кадәр.

Моннан кала, Казансу елгасының Киров дамбасыннан Чуйков урамы белән Гаврилов урамы киселешенә кадәрге өлешендә кече суднолар йөрешенә чикләүләр кертелә. Red Bull Air Race авиаярышларына бәйле чикләүләр түбәндәге аралыкта кертелә:

23 август 12.00 сәгатьтән 15.00 сәгатькә кадәр;

24 август 9.00 сәгатьтән 20.00 сәгатькә кадәр;

25 август 10.00 сәгатьтән 19.00 сәгатькә кадәр;

28 август 10.00 сәгатьтән 18.30 сәгатькә кадәр.