Бу ялларда Татарстанда +30 градуска кадәр көтелә

Төнлә һәм көндез кыска вакытлы яшенле яңгыр явуы ихтимал

Татарстанда бүген төнлә һәм көндез кыска вакытлы яшенле яңгыр явуы ихтимал, төнлә һава температурасы +9..+14 градус тәшкил итәчәк. Көньяк-көнчыгыштан, көньяктан искән җил секундына 15-17 метр тизлек белән җитәчәк. Көндез термометр баганалары +23..+28 градус күрсәтәчәк.

Бүген төнлә һәм иртәгә көндез Казанда аязучан болытлы һава көтелә, кыска вакытлы яңгыр явуы ихтимал. Төнлә һава температурасы +12..+14 градуска кадәр төшәчәк, ә көндез термометр баганалары +24..+26 градус күрсәтәчәк.

Якшәмбе көнне, 24 августта, республикада урыны белән бераз яңгыр явачак. Җил көньяк-көнчыгыштан, көньяктан 6-11 м/с, яшен вакытында кыска вакытлы көчәю белән 15-20 м/с кадәр булачак. Синоптиклар төнлә +14..+19 градуска кадәр фаразлый, ә көндез һава +26..+30 градуска кадәр җылыначак.

ТР Гидрометеорология үзәге фаразлавынча, киләсе атна башында республикада көндезге температура +19..+24 булган яңгырлы һава торышы булыр дип көтелә, көнчыгышта температура +28 градуска кадәр җитәчәк.

Шулай ук укыгыз

28.09.2025, 14:04

Төнге велофестта 4 мең кеше катнашты
28.09.2025, 09:02

Тимер юлчылар мәдәният йорты Өлкәннәр көнен билгеләп үтәргә чакыра
27.09.2025, 10:48

Казанда Бөек Җиңү геройлары истәлегенә эрбет агачлары утырттылар
27.09.2025, 08:55

Казан Лысычанск һәм Рубежноега 16 тонна авырлыктагы гуманитар ярдәм җибәрде

Барлык яңалыклар