«Киләчәк уеннары»нда 100 дән артык ил вәкилләре катнашачак

«Киләчәк уеннары»нда 100 дән артык ил вәкилләре катнашачак

<p> </p> <div class="detail-picture"> <img src="https://kzn.ru/upload/iblock/c77/c77fe11bb3f2a58c55f87d6e93b1657e.jpg"> <p class="detail-picture__caption"> Фото: vk.com/gamesofuture </p> </div> <p> </p> <p> Казанда узачак «Киләчәк уеннары» халыкара турнирында дөньяның 100 дән артык иленнән 2 меңгә якын атлет катнашачак. Бу хакта РФ вице-премьеры Дмитрий Чернышенко Мәскәүдә ВДНХда уза торган «Россия» форумында Туризм һәм спорт көне кысаларында хәбәр итте. </p> <p> «Россия ачыклык принцибын гамәлгә ашыруны дәвам итә, спорт – ул илләрне берләштерүгә, партнерлык мөнәсәбәтләрен үстерүгә ярдәм итүче йомшак көч. Халыкара олимпия комитеты сәясәтенә карамастан, Россия һәм партнер илләр сәясәттән тыш спорт идеясен хуплый», - диде Дмитрий Чернышенко. </p> <p> Аның сүзләренчә, турнирга кызыксыну Уеннар башланганчы ук күзәтелгән. Ул тест ярышларында 40 тан артык ил вәкилләре катнашканлыгын искәртте. </p> <p> «Киләчәк уеннары» 2024 елның 21 нче февраленнән 3 нче мартына кадәр Казанда узачак. </p>

2024-01-25T14:32:56+0300