25 нче апрельдә Казанның кайбер урамнарында хәрәкәт чикләнәчәк

Бу 82 нче җиңел атлетика эстафетасын үткәрү белән бәйле

Фото: Казан шәһәре KZN.RU

Казанда 25 нче апрельдә юлларның кайбер участокларында хәрәкәт чикләнәчәк. Бу «Ватаным Татарстан» газетасы призына Гаилә елына багышланган 82 нче җиңел атлетика эстафетасын уздыру белән бәйле. Тиешле карар Казан шәһәре муниципаль берәмлегенең Документлар һәм хокукый актлар җыентыгында басылып чыкты.

Эстафетаны әзерләү һәм үткәрү вакытында, 13:00 сәгатьтән 17:00 сәгатькә кадәр, түбәндәге юл участоклары ябылачак:

Кремль урамы (Профессор Нужин урамыннан Беренче Май мәйданына кадәр, ике якка да хәрәкәт юнәлеше туктатыла);

Шейнкман юлы (Казан Кремле территориясендә, ике якка да хәрәкәт юнәлеше туктатыла);

Лобачевский урамы (Дзержинский урамыннан Кремль урамына кадәр, ике якка да хәрәкәт юнәлеше туктатыла);

Астрономия урамы (Профсоюз урамыннан Кремль урамына кадәр, ике якка да хәрәкәт юнәлеше туктатыла);

К.Нәҗми урамы (Дзержинский урамыннан Кремль урамына кадәр, ике якка да хәрәкәт юнәлеше туктатыла; Рәхмәтуллин урамы белән К.Нәҗми урамы киселешеннән Кремль урамына кадәр, ике якка да хәрәкәт юнәлеше туктатыла);

Муса Җәлил урамы (Профсоюз урамыннан Дзержинский урамына кадәр, ике якка да хәрәкәт юнәлеше туктатыла);

Чернышевский урамы (Профсоюз урамыннан Дзержинский урамына кадәр, ике якка да хәрәкәт юнәлеше туктатыла).

Эстафета сәламәт яшәү рәвешен пропагандалау, халыкны физик культура һәм спорт белән шөгыльләнүгә җәлеп итү, шәһәрдә җиңел атлетиканы популярлаштыру максатыннан үткәрелә.

Шулай ук укыгыз

Барлык яңалыклар