Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
13.09.2021, 13:53

Казанда троллейбус-электробус сынаулары узачак

«Горожанин» автоном рәвештә электр туклануыннан башка 20 км га кадәр узарга мөмкин.

Фото: Метроэлектротранс» МУП

(Казан шәһәре KZN.RU, 13-нче сентябрь). 14-нче сентябрь көнне Казан юлына Уфа трамвай-троллейбус заводының «Горожанин» дигән яңа троллейбусы чыгачак. Аның уникальлеге автономияле йөрешнең зурайтылган запасында – электр белән тукланусыз 20 км га кадәр. Троллейбусны 5-нче номерлы «Елга порты – Академик Глушко урамы» маршруты буенча 20 көн дәвамында тикшерәчәкләр.

Яңа троллейбусны җиһазланылышы, кирәк булганда, аны контакт челтәреннән аерырга, штангаларны калдырырга һәм электробус кебек тукланмыйча хәрәкәт итәргә мөмкинлек бирә. Автономияле йөреш системасы контакт челтәре астында хәрәкәт иткәндә корыла.

Моннан тыш, «Горожанин» – түбән идәнле. Ул 100-дән артык пассажирны сыйдыра, троллейбуста 28 утыру урыны каралган. Мөмкинлекләре чикләнгән кешеләргә уңайлы булсын өчен пандус бар, шулай ук коляскадагы инвалидлар өчен куркынычсызлык каешлары һәм поручнялары белән җиһазландырылган урын да бар.

«Җитештерүче завод реаль шәһәр шартларында автоном хәрәкәткә ия булган машиналарны сынап карарга тәкъдим итте. Без аларга каршыга килдек, чөнки бу безнең пассажирлар өчен троллейбусның яңа моделен бәяләү мөмкинлеге. Безнең өчен аны куллануда уңай якларны һәм минусларны билгеләп үтү һәм җитештерүчегә үз фикеребезне җиткерү мөһим», – диде «Метроэлектротранс» МУП генераль директоры Айдар Абдулхаков.

Узган ял көннәрендә җитештерүче завод вәкилләре 1-нче номерлы троллейбус депосында машина йөртүчеләрне һәм слесарьларны өйрәттеләр, депо территориясендә укыту сынаулары үткәрделәр. Иртәгә машина шәһәр урамнарына чыгачак, дип хәбәр итә «Метроэлектротранс» МУП матбугат хезмәте.

Барлык яңалыклар