Казанда мәктәп ашханәләрендә эшләү өчен өстәмә 578 штат берәмлеге бүлеп бирелде

Бу уку елында укучылар саны 11 меңгә арткан, ә дүрт елдан соң парта артына 200 мең бала утырачак.

Фото: Казан шәһәре KZN.RU

(Казан шәһәре KZN.RU, 28 нче февраль, Алинә Бережная). Кадрлар мәсьәләсен хәл итү өчен Казан мәктәпләрендә азык-төлек блогы хезмәткәрләре саны 600 кешегә артачак. 2022 елның гыйнварыннан 1107 штат берәмлегенә өстәмә рәвештә 578 ставка артты, хәзер мәктәп ашханәләрендә 1685 кеше эшләячәк. Шуның аркасында пешекчеләргә йөкләнеш кимиячәк, дип сөйләде Башкарма комитетта узган эшлекле дүшәмбе вакытында «Казанның азык-төлек һәм социаль туклану департаменты» акционерлык җәмгыяте генераль директоры Рима Мөхәммәдшина. Бирелгән ставкалар актив тутырыла, дип өстәде ул.

Республика җитәкчелеге ярдәме белән ставкаларны арттыруга ирешелде, моннан тыш, мәктәп азык-төлек блокларында штат расписаниесе оптимальләштерелде. «Азык-төлек блокларына йөкләнеш арта. Бу уку елында гына да без 11 мең укучыга арттык, ә дүрт елдан соң парта артына 200 мең бала утырачак. Бу яңа мәктәпләр төзү, капиталь ремонт ясау гына түгел, азык-төлек блокларында һәм Азык-төлек һәм социаль туклану департаменты базасында ризык әзерләү мөмкинлеге дә», - дип билгеләде Казан Мэры Илсур Метшин.

Исегезгә төшерәбез, Быел Казанда мәктәп ашханәләрен модернизацияләү программасын дәвам итү планлаштырыла. Капиталь ремонт барышында тагын 31 мәгариф учреждениесендә ашханә урынына мәктәп рестораннары барлыкка киләчәк.

Рима Мөхәммәдшина хәбәр иткәнчә, азык-төлек блогы хезмәткәрләре даими укулар үтә. Узган ел 225 белгеч Казан сәүдә-икътисад техникумы белгечләре белән берлектә туклану департаменты тарафыннан эшләнгән авторлык программасы буенча квалификация күтәргән. Программа Worldskills стандартлары буенча сертификацияләнгән. Шулай ук 76 хезмәткәр иң еш очрый торган проблемалар буенча ситуацион бурычларны хәл итү форматында укулар узган.

Азык-төлек һәм социаль туклану департаментының җитештерү технологияләре, туклану эшен оештыру һәм санитар табиблар бүлеге хезмәткәрләре бер ел эчендә мәктәп ашханәләре персоналын укыту өчен 1,4 меңнән артык чыккан.