Казанда төнлә кар җыештырачаклар: халыктан кайбер урамнарда муниципаль парковкалардан файдаланмауларын сорыйлар

Шәһәр администрациясе алдан ук машина йөртүчеләрдән күрсәтелгән участоклардан транспорт чараларын күчереп куюларын үтенә

Марат Мөгыйнов фотосы

Бүген төнлә Казан урамнарының кайбер участокларында кар чистарту эшләре алып барылачак. Шуңа бәйле рәвештә юлларны тулысынча һәм сыйфатлы итеп чистарту өчен, халыктан күрсәтелгән урамнардагы муниципаль парковка урыннарыннан вакытлыча файдаланмый торуларын сорыйлар.

Әйтик, 26 декабрьдә 21:00 сәгатьтән 27 декабрь 05:00 сәгатькә кадәр кар Четаев урамында, Бондаренко урамыннан Әпсәләмов урамына кадәр һәм кире юнәлештә урнашкан парковкаларда җыештырылачак.

26 декабрьдә 21:00 сәгатьтән 27 декабрь 6:00 сәгатькә кадәр Айрат Айдинов, Спартак, Айвазовский, Маяковский, Островский, Жуковский урамнарындагы парковкаларны җыештыру планга кертелгән.

26 декабрьдә 21:00–23:00 вакыт аралыгында Декабристлар урамы, 83, 85 һәм 100 йортлар янындагы парковкаларны кардан чистартачаклар.

Кышкы җыештыру эшләре 27 декабрьдә 21:00–23:00 вакыт аралыгында Лушников урамы, 8, 10 йортлар янындагы парковкаларда башкарылачак.

28 декабрь көнне 21:00–23:00 вакыт аралыгында техника 2 нче Юго-Западная урамында урнашкан парковкада эшләячәк.

26 декабрьдән 27 декабрьгә каршы төндә 21:00–05:00 вакыт аралыгында җыештыру эшләре Фәйзи һәм Красная Позиция урамнарындагы парковкаларда алып барылачак.

27 декабрьдән 28 декабрьгә каршы төндә 21:00–05:00 вакыт аралыгында Бигичев һәм Глушко урамнарында урнашкан парковкалар кардан чистартылачак.

28 декабрьдән 29 декабрьгә каршы төндә 21:00–05:00 вакыт аралыгында техника Ваһапов урамындагы парковкада эшләячәк.

Шәһәр администрациясе алдан ук машина йөртүчеләрдән күрсәтелгән участоклардан транспорт чараларын күчереп куюларын үтенә. Бу махсус техникага кар чыгару эшләрен тоткарлыксыз башкарырга мөмкинлек бирәчәк, болар бар да иртәнге хәрәкәт вакытында юл хәрәкәте иминлеген тәэмин итү өчен кирәкле чаралар булып тора.

Шулай ук укыгыз

Барлык яңалыклар