Казанда «МИИ. Сәхнә» музыка конференциясе узачак.

Казанда «МИИ. Сәхнә» музыка конференциясе узачак.

<img width="870" src="https://www.kzn.ru/upload/iblock/3b5/MMB_4320.jpg" height="653"><br> <br> (Казан шәһәре KZN.RU, 26-нчы февраль). 12-15-нче мартта Казанда «МИИ. Сәхнә» музыка конференциясе узачак, бу - Музыкаль инициативалар институты проекты, аның максаты - төрле шәһәрләрдән килгән индустрия вәкилләре белән элемтәләр урнаштыру. Конференция программасы ике өлештән торачак: белем бирү һәм музыка. <br> <br> Белем бирү өлеше «Смена» заманча мәдәният үзәгендә узачак. Дискуссияләр барышында чакырылган экспертлар - концерт промоутерлары, музыка журналистлары, лейбллар, фестивальләр һәм стриминг-сервислар вәкилләре - Казан коллегалары белән музыкаль бизнесның актуаль проблемалары һәм яңа тенденцияләре турында фикер алышачак. <br> <br> Барлык теләүчеләр музыка чараларын оештыруга, музыка проектларын алга этәрү үзенчәлекләренә, үз иҗатыңны монетизацияләүгә, яшь музыкантларның типик хаталарына һәм өй студиясендә композицияләр өстендә эшләү үзенчәлекләренә багышланган мастер-классларда катнаша ала. <br> <br> Конференциянең музыкаль өлеше кысаларында Werk иҗат киңлегендә концерт узачак, дип хәбәр итә «Смена» заманча мәдәният үзәге. Чараларның тулы исемлеге <a target="_blank" href="https://i-m-i.ru/scene/kazan">сайтта</a> урнаштырылган, аларга теркәлү шунда ук алып барыла.

2020-02-26T15:08:00+0300