Казанда «Бер көнлек мәктәп»кә тыңлаучыларны җыя башладылар

7 дәрес эчендә укучылар намаз һәм ислам нигезләрен уку күнекмәләрен үзләштерәчәкләр.

Фото: Казан шәһәре KZN.RU

(Казан шәһәре KZN.RU, 22-нче сентябрь). Казанда «Бер көнлек мәктәп»кә кыска вакытлы курска тыңлаучыларны туплау башланды. 7 дәрес эчендә укучылар намаз һәм ислам нигезләрен уку күнекмәләрен үзләштерәчәк.

Ислам нигезләренә хәзрәтләр һәм ТР мөселманнары Диния нәзарәтенең яшьләр хәрәкәте волонтерлары өйрәтәчәк. Аерым алганда, «Бер көнлек мәктәп» проектында катнашучыларны тәһарәт һәм намаз уку тәртибе, акыд фәненең төп төшенчәләре белән таныштырачаклар, шулай ук аларга Мөхәммәд пәйгамбәр тормышы һәм ураза кагыйдәләре турында сөйләячәкләр.

Дәресләргә 17 яшьтән өлкәнрәк һәркем йөри ала. Тыңлаучыларны кирәкле укыту материалы белән тәэмин итәчәкләр.

Беренче кереш дәресе 16-нчы октябрьдә Габдулла Тукай урамы, 38 адресы буенча урнашкан ТР мөселманнары Диния нәзарәте бинасында узачак. Башлана – 8:00 сәгатьтә. Алга таба дәресләр атнага бер тапкыр шимбә көннәрендә 8:00 сәгатьтән 13:00 сәгатькә кадәр Галиев мәчетендә Габдулла Тукай урамы, 40 адресы буенча узачак.

Проектта катнашу өчен 16-нчы октябрьгә кадәр түбәндәге сылтама яисә +7(843)237-86-18 телефоны буенча теркәлергә кирәк. Шалтыратулар эш көннәрендә 09:00 сәгатьтән 17:00 сәгатькә кадәр кабул ителә.

Галиев мәчетендә барлык санитар-эпидемиологик таләпләр исәпкә алыначак: тыңлаучылар дәресләргә медицина битлекләрендә йөрергә һәм керү вакытында антисептиклардан файдаланырга тиеш.

Исегезгә төшерәбез,«Бер көнлек мәктәп» проекты беренче тапкыр Татарстан мөфтие тарафыннан 2018 елда гамәлгә ашырылды, әлеге проектның 7 сезонында курсларда 650 кеше булды.

Шулай ук укыгыз

Барлык яңалыклар