Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
22.09.2020, 13:54

Казан зооботаника бакчасына дүрт гепард алып кайттылар

Шәһәр халкын ерткычларга «өй» исемнәрен сайларга ярдәм итәргә чакыралар.

Фото: Казан зооботаника бакчасы


(Казан шәһәре KZN.RU, 22-нче сентябрь). «Африка. Замбези елгасы» Казан зооботаника бакчасына дүрт гепард алып кайттылар. Алар Татарстан башкаласына Франциянең Монпелье шәһәре зоопаркыннан килделәр.

Кыргый мәчеләрнең килүе апрельгә планлаштырылган иде, әмма дөньяда килеп туган санитар-эпидемиологик вәзгыять белән бәйле рәвештә күчерелгән. Бүген Казанда яшәүчеләр һәм шәһәр кунаклары иң җитез мәчеләр булулары белән билгеле әлеге экзотик, нәзакәтле ерткычларны күрә ала. Дүрт туган - Чил, Комо, Куатро һәм Чука - 2018 елның 29-нчы ноябрендә Твист һәм Сита кушаматлы гепардлардан туган.

Казанга мәчеләр килү хөрмәтенә шәһәрлеләрне «гепардлар өчен өй исемнәре» конкурсында катнашырга чакыралар. Зооботаника бакчасына яңа күченүчеләр өчен исемнәрне рәсми инстаграм-аккаунтта тәкъдим итәргә була. 28-нче сентябрьдә зоопарк хезмәткәрләре иң ошаган 8 исемне сайлаячак һәм шәһәр халкы арасында ачык тавыш бирү игълан итәчәк. Казанлылар 4 исемне сайлагач, җиңүчене бүләкләячәкләр - конкурсның төп призы «Африка. Замбези елгасы» зооботаника бакчасына чакыру билеты булачак.

Исегезгә төшерәбез, хәзерге вакытта «Замбези елгасы» зоопаркында хайваннарның 40-тан артык төре яши - бегемот, крокодиллар, гамадриллар, тәвә кошлары, Мисыр челәннәре, пантер ташбакалары, Бразза мартышкалары, сурикатлар, даманнар, дик-диклар, арысланнар, зәңгәр гну, лемурлар һәм башкалар. Әле күптән түгел генә монда таҗлы торналар, кафр каргалары һәм Африка марабулары урнашкан иде.

Барлык яңалыклар