Казанның Изге Варсонофий гыйбадәтханәсендә аеклык буенча дәресләр циклы уза

Проект зарарлы гадәтләрне җиңәргә омтылган кешеләргә ярдәм итүгә юнәлдерелгән

Фото: Денис Гордийко

(Казан шәһәре KZN.RU, 7 нче июль). Казанның Изге Варсонофий гыйбадәтханәсендә аеклык буенча дәресләр циклы уза. Аларда теләгән һәркем катнаша ала. Дәресләр дүшәмбедән җомгага кадәр 18:00 дән 20:30 га кадәр уза, төркемгә теләсә кайсы вакытта кушылырга мөмкин.

Казан епархиясе матбугат хезмәтендә хәбәр итүләренчә, проект зарарлы бәйлелекләрне җиңеп чыгу юлына баскан кешеләргә һәм аларның якыннарына ярдәм итүгә юнәлдерелгән. Катнашучылар өчен лекцияләр, семинарлар, рухани, нарколог, психотерапевт һәм психологлар белән әңгәмәләр оештырыла.

Дәресләрне Казан епархиясенең наркоманиягә һәм алкоголизмга каршы көрәш бүлеге җитәкчесе иеромонах Вячеслав (Шапоров), психотерапевт һәм нарколог Олег Володин, Хезмәт сөю йорты директоры һәм психолог Максим Курлыков, медицина фәннәре докторы, профессор һәм КДМУның наркология кафедрасы мөдире, психотерапевт Анатолий Карпов үткәрә.

Курс нәтиҗәләре буенча катнашучылар теләкләр белән көрәштә кирәкле белем алачак, аек яшәү рәвешенә мотивация формалаштырачаклар һәм ныгытачаклар, православие тәгълиматы нигезләре белән танышачаклар. Алдан +7(843)238-53-62 телефоны буенча язылырга кирәк, ә дәресләр Толстой урамындагы 4/47 адресы буенча урнашкан гыйбадәтханәдә уза.

Шулай ук укыгыз

Барлык яңалыклар