Казанның барлык яшьләр клубында ел башыннан 2,6 меңнән артык чара уздырылган

Чараларда 33 меңнән артык шәһәр кешесе катнашкан

Марат Мөгыйнов фотосы

Татарстан Республикасы башкаласында ел башыннан барлык яшүсмерләр клубына 33 меңнән артык Казан яшьләре килеп киткән. Әлеге вакыт аралыгында яшьләр сәясәте учреждениеләре 2,6 меңнән артык чара үткәргән, дип хәбәр итә Балалар һәм яшьләр эшләре комитеты.

14–18 яшьлек яшүсмерләр яшьләр клубының төп һәм иң актив аудиториясе санала. Остаханәләр чараларның иң популяр форматы булып тора – алар клубларда уздырылган чараларның 60 процентын тәшкил итә. Яшүсмерләр клубында төрле юнәлештәге дәресләр: иҗади, спорт һәм бию дәресләре үткәрелгән. Тагын оештырылган чараларның 15–20 проценты спорт чараларына, турнирларга, күнекмәләргә, әңгәмәләргә, лекцияләргә һәм кино күрсәтү кичәләренә туры килә. Ә концертлар, күргәзмәләр, иҗади кичәләр һәм башка төр форматлар 5–10 процентны тәшкил итә.

Ел дәвамында шәһәр халкы ешрак «Яшьлек», «Старт», «Арена», «Алга», «Җәлил», «Иволга», «Лада», «Бриз», «Сандугач», «Юниор» клубларына йөргән. Казанлылар арасында шулай ук «Цудзуки», «Кояш нуры», «Авангард», «Лимонад», «Вертолет», «Юлдаш», «Талантика» һәм «Феникс» кебек яшьләр сәясәте учреждениеләре дә популярлардан санала.

«Яшүсмер» муниципаль бюджет учреждениесе Казанның җиде районында яшәү урыны буенча 70 клубны берләштерә. Алар исәбенә 67 яшьләр клубы керә, бүгенге көндә шулар арасыннан 58 учреждение тулы көчендә эшли.

Шулай ук укыгыз

Барлык яңалыклар