Тукай мәйданында җәяүлеләр өчен җир асты кичүендә баскычларның өслеген яңарталар

Эшчеләр шәһәр халкы һәм кунаклары куркынычсызлыгы өчен баскычларның өслеген махсус резин катлам белән каплыйлар.

Фото: Денис Гордийко

(Казан шәһәре KZN.RU, 21 нче июль). Казанда Тукай мәйданында җәяүлеләр өчен җир асты кичүен төзекләндерү эшләре башланды. Эшчеләр шәһәр халкының һәм кунакларның куркынычсызлыгы өчен баскыч басмаларын махсус резин түшәмә белән каплыйлар, аның ярдәмендә кешеләрнең аяклары таймаячак.

Җәяүлеләр кичү юлы Татарстан башкаласында иң күп йөкләнешле урыннарның берсе булып тора, шуңа күрә барлык эшләр атна дәвамында этаплап барачак. Бүген эшләр «Татарстан» кунакханәсе ягыннан баскычта бара. Шулай ук эшләр барлык дүрт баскычта да башкарылачак. Эшләр вакытында, катлам кипсен өчен, юл аркылы чыгу урыннары эзлекле рәвештә ябылачак. Барлык чараларны атна дәвамында тәмамларга планлаштыралар, дип хәбәр иттеләр шәһәр Башкарма комитетының Тышкы төзекләндерү комитетында.

Шулай ук укыгыз

Барлык яңалыклар