Киров районы поселокларында йорт хайваннарына котыру авыруыннан бушлай прививка ясаячаклар

Этләргә һәм мәчеләргә вакцинацияне Ягодная слобода һәм Красная Горка торак массивларында ясаячаклар.

Фото: Денис Гордийко

(Казан шәһәре KZN.RU, 12 нче май). 13 нче майда Казанның Киров районы торак массивларында котыру авыруына каршы этләргә һәм мәчеләргә бушлай вакцинация үткәреләчәк, дип хәбәр итә Дәүләт ветеринария берләшмәсе.

10:00 сәгатьтән 12:00 сәгатькә кадәр мобиль пункт Ягодная слобода торак массивында, Повстанческая урамындагы 40 нчы йорт янында эшләячәк. Ә 14:00 сәгатьтән 16: 00 сәгатькә кадәр ветеринария хезмәткәрләре Красная Горка торак массивында, Лунная урамындагы 16 нчы йорт янында кизү торачак.

Тулырак мәгълүматны +7(960)047-56-66, +7(843)555-02-08 телефон номерлары буенча белеп була.

Шулай ук укыгыз

Барлык яңалыклар