Казанның Совет районындагы Лучезарная урамының атамасы үзгәртеләчәк

Ул Курск урамы дип аталачак, чөнки аның дәвамы булып тора

Фото: Денис Гордийко

Совет районындагы Лучезарная урамы Курск урамы дип үзгәртеләчәк. Тиешле карар Казан шәһәре муниципаль берәмлегенең документлары һәм хокукый актлары җыентыгында басылып чыкты.

Лучезарная урамы Шуртыгин урамы һәм Альберт Камалиев проспекты белән чикләнә. Анда күчемсез милек объектлары юк, һәм ул Курск урамының дәвамы булып тора. Шуңа күрә участокның атамасын үзгәртү турында карар кабул ителде.

Лучезарная урамын шәһәрнең адреслар планыннан һәм урам исемнәре реестрыннан төшереп калдырачаклар.