Татарстан Республикасы башкаласында кыш башыннан 1,5 млн тоннадан артык кар чыгарылган

Шуның 838 мең тоннасы – февраль аенда

Фото: Денис Гордийко

Кышкы сезон башыннан Казан урамнарыннан 1,5 млн тоннадан артык кар чыгарылган, шуларның 838 мең тоннасы февраль аена туры килә. Шул ук вакытта мартның беренче биш көнендә айлык явым-төшем нормасының 40% ы инде яуган, дип хәбәр иттеләр Тышкы төзекләндерү комитетында.

Бүген тротуарларны һәм тукталышларны кардан чистарту эшләренә, шулай ук аларны бозлавыкка каршы материаллар белән эшкәртүгә 510 берәмлек махсус техника һәм 574 эшче җәлеп ителә.

Юлларны һәм тротуарларны җыештыруга кагылышлы кисәтүләрне казанлылар @kznhelpbot Телеграмма ботына җибәрә яисә +7(843)222-72-22 телефоны аша җиткерә ала.

Шулай ук укыгыз

Барлык яңалыклар