Казан ярыммарафоны вакытында Татарстан башкаласында транспорт хәрәкәте чикләнәчәк

Җиңел атлетика ярышлары 6-нчы октябрьдә узачак.

(Казан шәһәре KZN.RU, 4-нче октябрь). 6-нчы октябрьдә Татарстан башкаласында Казан ярыммарафоны һәм «Милләтләр кроссы» узачак . Җиңел атлетика ярышларына әзерлек һәм аны уздыру белән бәйле рәвештә, бу көнне транспорт хәрәкәте вакытлыча чикләнәчәк. Әлеге карар шәһәр Башкарма комитетында имзаланды.

7.00 сәгатьтән 12.00 сәгатькә кадәр Сибгат Хәким урамында ике юнәлештә (Декабристлар урамыннан Ф. Әмирхан проспектына кадәр һәм Фатыйх Әмирхан проспектыннан Чистай урамы киселешенә кадәр), Чистай урамында ике уң полосада (Сибгат Хәким урамында съезддан алып алып Чистай урамындагы съездга кадәр) һәм Чистай урамы буенча өч уң як полосада (Чистай урамыннан «Казан Арена» стадионы тирәли әйләнмәле хәрәкәт юнәлешендә съездга кадәр ) транспорт хәрәкәте туктатылачак. Шул ук вакытта «Казан Арена» стадионы тирәсендәге хәрәкәт тулысынча чикләнәчәк.

7.30 сәгатьтән 10.00 сәгатькә кадәр Фатыйх Әмирхан проспекты (Сибгат Хәким урамыннан «Миллениум» күперенә кадәр) буенча юл ябылачак, «Миллениум» күперендә хәрәкәт (С.Хәким урамыннан алып Подлужная урамына кадәр юнәлештә) туктатылачак.

8.00 сәгатьтән 10.00 сәгатькә кадәр Подлужная урамы буенча ике юнәлештә транспорт хәрәкәте туктатылачак («Миллениум» күперендә съезддан Подлужная урамы, 17 йортка кадәр («Европейский» торак комплексы) .

8.00 сәгатьтән 11.00 сәгатькә кадәр ике юнәлештә Батурин урамы буенча (Большая Красная урамыннан Кремль яр буена кадәр) һәм Кремль яр буе буенча (Батурин урамыннан алып Киров дамбасына кадәр) транспорт хәрәкәте вакытлыча чикләнәчәк.

7.30 сәгатьтән 11.00 сәгатькә кадәр Кремль дамбасы буенча бер уң полоса буенча (Батурин урамыннан Декабристлар урамына кадәрге юл буенча), Декабристлар урамы буенча (Кремль дамбасыннан алып Сибгат Хәким урамына кадәрге юнәлеш буенча) транспорт хәрәкәте чикләнәчәк.

Шулай ук укыгыз

Барлык яңалыклар