Иртәгә Татарстанда -2 градуска кадәр салкыннар көтелә

Иртәгә Татарстанда -2 градуска кадәр салкыннар көтелә

<p> Татарстанда бүген һәм иртәгә төнлә һавада, туфракта -2 градуска кадәр салкыннар көтелә. Төньяк-көнчыгыштан 10 метр тизлектә көчле җил исәчәк. Көндез исә синоптиклар һава температурасы +14..+19 градуска кадәр җылыначак дип фаразлый. </p> <p> Казанда бүген төнлә һәм иртәгә иртән явым-төшемнәр көтелми. Төнлә термометрның терекөмеш баганасы +2..+4 градуска, түбән урыннарда -1 градуска кадәр төшәчәк. Көндез башкалада болытлы һава торышы көтелә. Һава температурасы +16 +18 градуска кадәр күтәрелә. </p> <p> 14 сентябрь көнне республикада төнлә һәм иртән урыны белән томан көтелә. Төньяк һәм төньяк-көнчыгыштан 2-7 метр тизлектә җил исәчәк. Һава температурасы төнге сәгатьләрдә +1..+6 градус, урыны белән туфракта -2 градуска кадәр төшәчәк. Көндез +15..+25 градустан да югары күтәрелмәячәк. </p> <p> Татарстанның гидрометеорология идарәсе синоптиклары алдагы атна башында коры һава торышы көтелә дип фаразлый. Төнлә һава температурасы +3..+8 градус күрсәтсә, көндез исә +17..+22 градуска кадәр җылытачак. </p>

2025-09-12T17:06:08+0300