Ай саен «Яшәү яме» проектында 15 мең Казан пенсионеры катнаша

Узган ел «Яшәү яме» шәһәр проектының 1,7 мең чарасында һәм 6 мең дәресендә 623 мең кеше булды Проектта ай саен 15 мең Казан пенсионеры катнаша. проектта катнашучыларның 90%ын 63 – 70 яшьлек пенсионерлар тәшкил итә, тагын 7% 70 – 80 яшьлек шәһәр халкына, ә калганнары 80 яшьтән өлкәнрәкләргә туры килә.. Иң өлкән яшьтәге Казан «Яшәү яме» катнашучылары – 88 яшьлек ансамбль солисты Венера Нурсубина, 89 яшьлек гармунчылар ансамбле солисты Разый Хамзин, 89 яшьлек шахматчы, китап клубында катнашучы Глеб Мартынов һәм биюче Владимир Сухарев, аңа 92 яшь.

«Йөзьяшәрләр уеннары. Яшәү яме» спартакиадасы 2023 елның октябреннән бирле уздырыла, быел ул «Сәламәт яшәү рәвеше» номинациясендә җиңүче дип танылды.

Икенче спорт сезонында «Йөзьяшәрләр уеннары. Яшәү яме» уеннарында 3000 пенсионер катнашты инде. Шуларның 2000 катнашучысы һәм 1000 җанатары. Ярышлар 10 спорт төре буенча уздырыла, быел яңа дисциплиналар – шашка һәм мини-волей булды. Бу сезонның тагын бер яңалыгы – «Иң актив җанатарлар» конкурсы, аның нәтиҗәләре шулай ук сезон ахырында үткәреләчәк. Аның ярдәмендә ярышларга тулы бер гаиләләр, оныклар, балалар һәм хәтта Спартакиадада катнашучыларның дуслары җәлеп ителгән һәм нәкъ менә шулай буыннар элемтәсе бара. Хәзерге вакытта өстәл теннисы, шахмат һәм шашка, чаңгы ярышлары һәм волейбол буенча узган ярышлар нәтиҗәләре буенча Вахитов районы командасы алда бара, икенче урында – Идел буе, ә өчлекне Авиатөзелеш районы йомгаклый. Апрельдә дартс, футбол һәм төньяк йөрү буенча ярышлар планлаштырылган. «Йөзьяшәрләр уеннары. Яшәү яме» финалы май аенда узачак. Меңнәрчә елмаю, 273 кубок, 699 медаль, 47 чемпион майкасы – болар барысы да безнең спортычларыбыз турында.

«Яшәү яме» шәһәр социаль проекты 2016 елда Казан мэры Илсур Метшин инициативасы белән башланып китте. Өлкән яшьтәге кешеләр өчен дәресләр шәһәрнең 100 мәдәният йортында, китапханәләрдә һәм спорт объектларында уза. Пенсионерлар вокал, бию, рәсем, театр иҗаты, спорт белән шөгыльләнәләр, телләрне өйрәнәләр – барлыгы 13 юнәлеш. Ел саен яңа дәресләр барлыкка килә. Бу сезонның яңалыклары арасында көлү йогасы, мемуарлар булдыру клубы һәм терренкур-йөреш.

«Яшәү яме» проектының 258 дәресе расписаниесе турында 236-42-93 кайнар линиясе буенча белергә мөмкин. Онлайн-язманы «Алтын Еллар» платформасында карарга мөмкин. Ә проект яңалыклары белән шул ук исемдәге квартал газетасында һәм «Казанның тормышы» телеграм-каналында танышырга мөмкин.