Узган ел нәтиҗәләре буенча Казан административ комиссияләр эше күрсәткечләре буенча миллионлы шәһәрләр арасында беренче урынны алды

2024 елда Казанда шәһәрдә тәртип артыннан мониторинг сыйфатын арттырган берничә цифрлы инструмент кертелде.

Шулай итеп, коелучан материалларны ачык борт белән ташуга бәйле хокук бозуларны тәүлек буе автомат рәвештә теркәү системасы кертелде. Шәһәрдә 45 камера эшли, алар ярдәмендә 2697 тәртип бозучы җәлеп ителгән, ә түләтелгән штрафларның гомуми суммасы 4,8 миллион сум тәшкил иткән. Төзекләндерү кагыйдәләренең 136.8 пункты нигезендә грунт, чүп-чар, коелучан төзелеш материаллары, шулай ук җиңел савытларны ташу вакытында йөк автомобиле йөртүчесенә кузовын каплау бурычы куелган.

Моннан тыш, узган ел «Минем штрафлар. Казан» telegram-боты эшләтеп җибәрелгән иде. Бу уңайлы инструмент, ул реаль вакытта фотоматериал белән танышырга, хәбәрнамәгә язылырга, штрафлар булуын тикшерергә һәм аларны дәүләт хезмәтләре порталы аша түләргә мөмкинлек бирә. 26 меңнән артык кулланучы бу сервис белән файдаланган инде.

Махсус программа реаль вакыт режимында штраф түләүдән читләшә торган бурычлыларның техник чараларының (ТЧ) агымдагы урнашуын ачыклый башлады. Автомобильнең урыны ачыкланганнан соң, административ комиссия хезмәткәреннән һәм суд приставлары хезмәте вәкиленнән торган оператив төркем аны блоклау һәм эвакуацияләү буенча чаралар куллана. ТЧ милекчегә бурыч тулысынча түләнгәннән соң гына кайта. Исегезгә төшерәбез, административ штраф аның законлы көченә кергән көненнән алып 60 көн эчендә түләнергә тиеш.

Узган елның 1 июленнән карарларны илтеп җиткерүнең электрон төре гамәлгә ашырылды. Хәзер аларны тиешле опция сайлаганда дәүләт хезмәтләре порталында шәхси кабинетта алырга мөмкин. Бу яңалык шәһәр бюджеты чыгымнарын алты ай эчендә 4,8 млн сумга киметергә мөмкинлек бирде.

2024 елда Казанның административ комиссияләре тарафыннан төрле хокук бозулар буенча 247 меңнән артык карар чыгарылган. Тикшерелгән эшләр саны 65%ка, ә штрафлар 112%ка арткан. Ел нәтиҗәләре буенча 546 миллион сум түләтелгән – бу 2023 елга караганда 82 процентка күбрәк. Узган ел нәтиҗәләре буенча Казан административ комиссияләр эше күрсәткечләре буенча миллионлы шәһәрләр арасында беренче урынны алды.

Гадәттә, каралган эшләрнең төп өлеше муниципаль парковка түләмәүгә туры килә. Бу сегментта хокук бозулар санының икеләтә артуы теркәлгән. Бу түләмәү фактларын теркәү системасын камилләштерү белән бәйле, шулай ук техник чара номерын, парковка зонасының номерын дөрес кертмәү һәм гражданнар башкара торган техник хаталар санын арттыру белән бәйле. Шунысын билгеләп үтәргә кирәк, гражданнарның автомобильләрнең дөрес күрсәтелмәгән дәүләт номерын яки парковка зонасы номерын «Казан паркингы» сайтының шәхси кабинетында һәм мобиль кушымталарда мөстәкыйль рәвештә төзәтү мөмкинлеге бар.

Район администрацияләре тарафыннан төзекләндерү кагыйдәләрен бозган өчен 13 миллион сумнан артык суммага 794 беркетмә төзелгән. Хокук бозуларның күпчелек өлеше территорияне кардан сыйфатсыз һәм вакытында чистартылмауга бәйле булган.

2024 елда административ комиссияләр тарафыннан законсыз урам сатучыларына карата 5,9 миллион сумлык 2079 карар чыгарылган. Эчке эшләр министрлыгы һәм суд приставлары хезмәте  белән берлектә законсыз сәүдә ачыклау буенча 49 рейд үткәрелгән. 15 явыз хокук бозучы 48 тәүлеккә кадәр кулга алынган, 10 хокук бозучыга илдән читкә чыгуны чикләгәннәр, алтысы – транспорт чаралары белән идарә итү хокукыннан чикләгән.