Спорт йолдызларыннан дәресләр, гаилә эстафеталары, «Казан паруслары» һәм Казан спорт мәктәпләре ярышлары

Быел Казан спорты көне «Динамо» физкультура-спорт җәмгыятенең 100 еллыгына багышланачак. 9 августта «Урам» экстрим-паркында уннарча ярышлар, мастер-класслар һәм эстафета узачак.

Татарстан Республикасының һәм Казанның иң яхшы баскетболчылары урам баскетболы буенча 3 нче «Оранжевый мяч» ярышларында катнашачак. Ә профессиональ клублар уенчылары – «Зенит», «Ак Барс», «Динамо-Ак Барс», «Рубин», «Стрела» һәм «Уникс» – пляж волейболы матчында көрәшәчәк. Уеннан соң йолдызлар җанатарлар өчен автограф-сессияләр үткәрәчәк.

Икенче тапкыр сайклинг буенча марафон узачак. Катнашучылар паркта ук урнаштырылган тизлеккә һәм махсус велосипедларда узылган арага ярышачак.

Теләүчеләр гаилә эстафетасында спорт гаиләсе исеменә ярыша алачак. Һәркем үз көчләрен сынап карый һәм ГТО нормативларын махсус мәйданчыкта тәҗрибәле спортчылар белән беррәттән тапшыра алачак.

Барлыгы 25 спорт төре тәкъдим ителәчәк: баскетбол, футбол, бокс, флорбол һ.б. Һәркем үзе өчен яраткан шөгылен табачак.

10 спорт мәктәбе баскетбол, туп хоккее, футбол, бокс һ.б. спорт төрләре буенча үз мастер-классларын һәм турнирларын үткәрәчәк.

Паркта нардлар, көч экстримы, бадминтон мәйданчыклары оештырылачак, ә Казансу акваториясендә «Казан паруслары» ярышлары узачак.

«Трудовые резервы» стадионында бу көнне футбол буенча Казан кубогы узачак. Анда 8 яшь төркемендә 400 яшь футболчы катнашачак. Ветераннар арасында аерым турнир да узачак.