Казанда 9 һәм 11 сыйныф укучылары өчен имтихан марафоны 2 июльгә кадәр дәвам итәчәк

Татарстан башкаласында дәүләт йомгаклау аттестациясенә барлыгы 11 мең 641 9 сыйныф укучысы һәм 6101 унберенче сыйныф укучысы кертелгән. Имтихан үткәрү өчен 140 пункт әзерләнгән: 25 пункт бердәм дәүләт имтиханы , 44 – төп дәүләт имтиханы, 7 пункт – дәүләт чыгарылыш имтиханы өчен. Моннан тыш, мөмкинлекләре чикләнгән балалар өчен өйдә имтихан үткәрү буенча 64 пункт эше оештырылган. Барлык имтиханнар марафоны 2-нче июльдә тәмамланачак. 12-нче июльдән 17-нче июльгә кадәр өстәмә чор каралган – бу нигезле сәбәпләр аркасында төп даталарда имтихан бирә алмаганнар өчен.

Имтиханда катнашучыларның һәм оештыручыларның сәламәтлеге һәм иминлеге мәнфәгатьләрендә быел йомгаклау аттестациясе тәртибенә үзгәрешләр кертелде.

Югары уку йортына кермәүче чыгарылыш сыйныф укучылары урта гомуми белем турындагы аттестат алу өчен мәктәптә ике фәннән – рус теле һәм математика буенча контроль эш формасында дәүләт чыгарылыш имтиханын тапшыра. Аттестациянең мондый формасын 231 укучы сайлады.

Югары уку йортларына керергә җыенучы һәм шуның өчен БДИ тапшырачак чыгарылыш сыйныф укучыларына аттестат алу өчен рус теле буенча имтиханны канәгатьләнерлек нәтиҗәгә тапшыру да җитә.

Фәннәр буенча БДИ штат режимында үткәреләчәк. Тапшыру өчен берничә предмет сайларга мөмкин. БДИ тапшыру өчен чыгарылыш укучылары арасында профильле математика (62,16%), җәмгыять белеме (40,41%), физика (19,95%), информатика һәм мәгълүмати-коммуникацион технологияләр (18,08%), биология (17,86%), инглиз теле (15,42%) һәм химия (12,38%) иң кирәклесе булды.

Башлангыч мәгълүматлар буенча, дәүләт үрнәгендәге аттестатка 829 (13,6%) унберенче сыйныф укучысы (2020 елда – 779 (12,59%) дәгъва итә. Быел медаль алу өчен, бик яхшы йомгаклау билгеләреннән тыш, чыгарылыш сыйныф укучысына мәҗбүри рус теле буенча кимендә 70 балл һәм башка фәннәр буенча минималь баллар саныннан ким булмаган балл җыярга кирәк. Ә рус теле һәм математикадан дәүләт чыгарылыш имтиханын бик яхшы билгегә бирергә кирәк.

Имтиханнар үткәргәндә Кулланучылар хокукларын яклау һәм кеше иминлеге өлкәсендә күзәтчелек федераль хезмәте тәкъдим иткән барлык эпидемиологик куркынычсызлык чаралары кулланыла, алар үзләрен 2020 елда БДИда уңышлы күрсәтте. Барлык имтихан кабул итү пунктларына да, мәктәп ишегалларын да кертеп, катнашучылар арасында кимендә ярым метр дистанцияне регламентлаучы тамга төшерелгән. Пунктларга килү графигы уйланылган, ул балаларның ишекләр янында һәм мәктәп территориясендә туплануына юл куймый. Чыгарылыш сыйныф укучыларын аудиторияләрдә утырту социаль дистанцияне үтәп башкарыла.

 БДИ җәдвәле