Казанда Мамадыш трактында өч юл чишелеше төзү планлаштырыла

Казанның Совет районындагы Мамадыш трактында берьюлы өч юл чишелеше төзү планлаштырыла. Хәзерге вакытта проектлар экспертиза уза.

Моннан тыш, П.Лумумба урамыннан Аграр урамына һәм Н.Рахлин урамына кадәр юллар төзү проектлары эшләнгән, «Семейный» торак массивында, Дорожный тыкрыгында һәм Зирекле урамында юллар проектлана.

Агымдагы елда Вознесенский трактының икенче чиратын төзү буенча эшләр алып барыла. Аның озынлыгы 7,5 км тәшкил итәчәк. Исегезгә төшерәбез, автомобиль юлының беренче чираты 2023 елда ачылды, участокның гомуми озынлыгы 3,8 км тәшкил итә.

Казан метросының икенче тармагы төзелеше дәвам итә. «Айсылу» комплексы белән «Зилант» станциясеннән «Академия» станциясенә кадәр үтү юлы тәмамлана, тоннельнең озынлыгы 870 м тәшкил итә.

Районда масштаблы эш урам-юл челтәрен ремонтлау буенча алып барыла. Агымдагы елда өч урамда юл катламын ремонтлау планлаштырыла. Бу – Космонавтлар урамыннан Академик Арбузов урамына кадәр Себер тракты, «Бокс һәм өстәл теннисы үзәге» янында ВКП һәм Константиновкадагы Мостовой тыкрыгы буенча күперне реконструкцияләү. Узган ел шәһәрнең 21 урамында һәм торак массивлардагы 12 урамда юллар ремонтланган. Киндери поселогында Киндерле елгасы аша күпер реконструкцияләнде.