Казанда Төзекләндерү кагыйдәләрен бозуларны теркәү өчен ясалма интеллект кертәләр

Казанда Төзекләндерү кагыйдәләрен бозуларны теркәү өчен ясалма интеллект кертәләр. Ясалма интеллект ярдәмендә бина фасадларын, контейнер мәйданчыкларын һәм урам-юл челтәре элементларын карап тотуда барлыгы 20 гә якын бозуны теркәү планлаштырыла. 

Шәһәрдә яшел зоналар реестры булдырыла – ул машиналарны газоннарда парковкалау фактларын караганда бәхәсләрне хәл итәргә ярдәм итәчәк. Хәзерге вакытта «Дозор» программа комплексына 4027 цифрлаштырылган объект кертелгән. 

«Дозор МП» системасы яшелләндерелгән участокларда транспорт парковкасын теркәүче ике автомобильдә урнаштырылган. 2023 елда әлеге система ярдәмендә административ комиссиягә яшел зоналарда автомобильләрне парковкалауның 18 меңнән артык очрагы килгән, ә бер ел элек 22 мең 592 шундый факт каралган иде.