Казан метросында QR-код буенча түләүне кертәләр

Фото: Марат Мөгыйнов

Быел «Метроэлектротранс» МУПсе 2025 елда Kazan Digital Week форумында төзелгән өч яклы кертемле килешүләрне гамәлгә ашырырга планлаштыра. Беренчесе – МТС компаниясе белән, ул тотрыклы мобиль элемтә һәм Интернетка керү өчен метроның бөтен линиясе буйлап нурланыш кабелен салу белән шөгыльләнәчәк. Шулай ук МТС компаниясе «Метроэлектротранс»ка метрополитенда йөрү өчен түләүне контрольдә тотуның автоматлаштырылган системасы челтәрен яңарту өчен челтәр җиһазларын тапшырачак.

Яндекс белән берлектә турникетларны QR-кодлар технологиясен кертеп яңарту үткәреләчәк, бу жетоннарны кулланудан баш тартырга мөмкинлек бирәчәк.

Өченче килешү Сбербанк белән имзаланды һәм «Тукай мәйданы» метро станциясендә турникетларны алыштыруны күздә тота, бу үткәрү мөмкинлеген арттырырга мөмкинлек бирәчәк. Әлеге проектлар буенча кертемнәрнең гомуми күләме 200 миллион сумнан артып китәчәк.