Крестовниковлар заводы конторасында – археологик почмак, ә Петцольд заводында офис биналары барлыкка киләчәк

Быел шәһәрнең тарихи үзәгендә берьюлы берничә архитектура һәйкәле реконструкцияләнәчәк. Алар арасында 1875 елда төзелгән Петцольд сыра заводы, Крестовниковлар заводы конторасы, сәүдәгәр Мусин йорты һәм Гаяз Исхакый урамындагы XVIII гасыр торак йорты бар.

Россиянең әйдәп баручы архитекторы Рубен Аракелян тарафыннан эшләнгән проект буенча, Крестовниковлар заводы конторасы эчендә пыяла түбәле музей һәм, монда табылган артефактларны кулланып, археологик почмак белән яңа бина төзеләчәк.

Петцольд сыра заводы бинасында офис биналары, галереялар һәм күргәзмәләр өчен җәмәгать киңлекләре, бутик-отель, милли татар ашлары белән рестораннар һәм каһвәханәләр урнаштырырга планлаштыралар.

Исегезгә төшерәбез, заводны торгызуның беренче этабы 2016 елда ук башланды. Биредә предприятиенең өч бинасы реставрацияләнде һәм элеккеге торак йортның ике катлы бинасы торгызылды. Быел Петцольд комплексының 9 нчы һәм 10 нчы литерларын реставрацияләү һәм реставрацияләнгән участокларда авариягә каршы эшләр башкару планлаштырыла.

Татарстан рәисе җитәкчелегендәге ведомствоара комиссия Гаяз Исхакый урамындагы 7 нче йортны реновацияләү проектын раслады. XVIII гасырда төзелгән бина 30% ка гына сакланып калган. Проектта яңартуны объектның бер өлешен һәм яңа контраст архитектурасын саклап калып башкарачаклар.

Кунакханә функцияләре өчен Нариманов урамындагы 56 нчы йортта сәүдәгәр Мусин йорты әзерләнгән. Бинаны реконструкцияләү 2023 елда үткәрелгән – анда фасад һәм түбә капиталь ремонтланган.

Борынгы Әл-Мәрҗани мәчетендә масштаблы капиталь ремонт үткәрелә, ул бут ташыннан эшләнгән нигезне ныгытуны, татар орнаментын һәм бинаның башка уникаль элементларын реставрацияләүне, манараны ремонтлауны үз эченә ала. Эшләрне 30 нчы августка кадәр тәмамлау планлаштырыла.