В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
25.06.2021, 10:13
Иске Татар бистәсендә "Кояш балалары"
"Иске шәһәр" кунаклары Сабантуй йолалары һәм гореф-гадәтләре белән танышачак
"Иске шәһәр" префектурасы халкына һәм кунакларына татар халкының төп милли бәйрәме "Сабантуй" тарихы турында сөйләячәкләр.
26 июньдә Зәйни Солтан урамындагы скверда "Иске Татар бистәсендә киноканикуллар" проекты кысаларында "Кояш балалары" фильмы күрсәтеләчәк. Фильмны Әтнә районында төшергәннәр. Анда Сабантуйны гореф-гадәтләргә туры китереп үткәрүнең барлык нечкәлекләре тәфсилләп сөйләнә.
Кино кысаларында фильмның режиссеры Гадел Мәхмүтов белән очрашу каралган.
Чара 19:30 сәгатьтә башлана. Керү ирекле. Коронавирус инфекциясеннән саклану чараларын үтәү киңәш ителә.