Илсур Метшин: «Безнең партнерларыбыз арта бара, һәм без моны бик югары бәялибез»

Шәһәрдә берничә Яңа ел мәйданчыгын эшмәкәрләр бергәлекләре ярдәмендә төзекләндерәләр

Яңа ел иллюминациясе шәһәрнең 25 паркында пәйда булачак, ә аларның 20сендә Яңа елның төп символлары – чыршы урнаштырылачак. Бу хакта эшлекле дүшәмбедә Парклар һәм скверлар дирекциясе җитәкчесе Айгөл Латыйпова хәбәр итте.

Беренче тапкыр 20 метрлы чыршы «Әкият» курчак театры янында куелачак. Яңа ел гүзәлен кору эшмәкәрләр бергәлекләре ярдәмендә башкарыла.

Казан мэры Илсур Метшин эшмәкәрләргә шәһәр инициативаларын хуплаулары өчен рәхмәт белдерде. «Яңа ел мәйданчыкларын хуплаган шәһәрнең барлык партнерларына рәхмәт сүзләренә кушылам. Күбрәк кече, урта һәм зур бизнес вәкилләре алырга гына түгел, ә бирергә дә әзер. Бу безнең җәмгыятьнең үсә баруының мөһим күрсәткече, безнең партнерларыбыз арта бара, һәм без моны бик югары бәялибез», – дип ассызыклады шәһәр башлыгы.

Кыш Бабай, Кар Кызы катнашында Яңа ел чыршыларының беренче ачылышы бу атнада ук булачак.

Парклар дирекциясе шулай ук яңа сәнгать объектларын игълан итте. Лядский бакчасында партнерлар ярдәмендә «Вам светит счастье» («Сезгә бәхет яктырта») исемле чыршы урнаштырачаклар. «Елмай» балалар паркында шулай ук шәһәр эшмәкәрләре ярдәмендә урнаштырылган 16 метрлы яңа чыршы барлыкка киләчәк.

«Безнең маршрутның чираттагы пункты – «Казан» Гаилә үзәге, анда без шәһәрнең иң биек чыршысына сокланырга һәм Яңа ел ярминкәсендә сыйланырга чакырабыз», – дип өстәде Айгөл Латыйпова.

Серов исемендәге бульварда төп Яңа ел символын ачу рус ишарәләр теленә тәрҗемә белән озатылачак. Моннан тыш, күрү сәләте бозылган кешеләр өчен аңлаешлы итү өчен театр тамашасы өчен тифлоаңлатмалар эшләнәчәк.

Исегезгә төшерәбез, Казанда Казанның барлык районнарында 100 дән артык Яңа ел мәйданчыгы оештырыла.