Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта

Казанда халыкның сәламәтлеген саклау өстенлекле бурычларның берсе булып тора.

2021 елда шәһәр территориясендә 96 медицина оешмасы эшләде, шуларның 28 е – Татарстан Республикасы Сәламәтлек саклау министрлыгына караган дәүләт автоном учреждениесе, 4 се – федераль, 1 се – ведомство, 63 е – хосусый милек рәвешендәге учреждениеләр.

2013 елдан башлап Татарстан башкаласында өлкән яшьтәгеләрне гомуми диспансерлаштыру гамәлгә ашырыла, ул һәр кешенең сәламәтлеге торышын даими бәяләргә, куркыныч факторларны ачыкларга һәм авыруларны иртә стадияләрдә диагностикаларга, шулай ук дәвалау-профилактика чараларын вакытында үткәрергә мөмкинлек бирә. Ел саен Бөек Ватан сугышы ветераннары һәм инвалидлары, блокадачылар, фашист концлагерьларының элеккеге балигъ булмаган тоткыннары мәҗбүри диспансерлаштыруны уза. Шулай ук балаларга профилактик тикшерүләр үткәрелә.

2021 елда Казанда стационарларны капиталь ремонтлау республика программасы буенча өч эре стационарда (сугыш ветераннары госпиталендә, Казан федераль университетының медсанчастьләрендә, Төбәкара клиник-диагностика үзәгендә) эшләр дәвам итте; Сафиуллин урамы, 14 адресы буенча Республика балалар клиник хастаханәсенең стационарын ремонтлау төгәлләнде.

Ашыгыч медицина ярдәме үзәге базасында 7 нче номерлы шәһәр клиник хастаханәсенең дәвалау-реабилитация үзәге бинасын төзүне тәмамлау 2021 елның мөһим вакыйгаларының берсе булды, анда шулай ук кан тамырлары үзәге, өченче дәрәҗәдәге травматология үзәге булдырылган. Комплекста Акчарлак күлләре янында «Сәламәтлекнең җиде чыганагы» дип аталган парк зонасы төзекләндерелгән. Паркта сәламәтлек мөмкинлекләре чикләнгән кешеләрне саф һавада физик тернәкләндерү өчен тренажерлар урнаштырылган.

 


Саннар һәм фактлар:
  • 6157
    Казанда урта белемле медицина хезмәткәре эшли

  • 3455
    Казанда табиб эшли
  • 80% ка кадәр
    халыкка медицина ярдәме амбулатор этапта күрсәтелә