21 сентябрьдә Казанда «Бакчачы көне – 2019» күргәзмә-ярминкәсе узачак

(Казан шәһәре KZN.RU, 18-нче сентябрь). 21-нче сентябрьдә Татарстан башкаласында «Бакчачы көне – 2019» күргәзмә-ярминкәсе узачак. Анда шәһәр халкы бакчачылар үстергән авыл хуҗалыгы продукциясен сатып ала, төрле конкурсларда һәм мастер-классларда катнаша ала.

Ярминкә «Казан» агросәнәгать паркы мәйданчыгында 8.00 сәгатьтән 14.00 сәгатькә кадәр узачак, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.

Исегезгә төшерәбез, узган атнада Казанда традицион авыл хуҗалыгы ярминкәләре старт алды. Авыл хуҗалыгы продукциясен сату өчен мәйданчыклар шәһәрнең барлык районнарында да оештырыла.