25 нче майда Казансу яр буенда петанк-мәйданчык ачылачак

Петанк уйнау буенча беренче җәйге турнирда барлык теләүчеләр катнаша ала.

Фото: Денис Гордийко

(Казан шәһәре KZN.RU, 22 нче май). 25 нче майда Казансу елгасы яр буенда петанк-мәйданчык һәм бу уен буенча беренче җәйге турнир ачыла.

Петанк-мәйданчык Казансу яр буенда пляж волейболы кыры һәм «Урам» экстрим-паркы янында урнашкан (яр буена керү – Подлужная урамындагы 67 нче номерлы йорт ягыннан). Парковка бар.

Чара 18:00 сәгатьтә башлана. Турнирда катнашучылар өчен инвентарьны мәйданчыкта бирәчәкләр, дип хәбәр ителә «Казансуны үстерү стратегиясе»нең Telegram-аккаунтында.

Турнирда катнашырга теләүчеләр түбәндәге сылтама буенча теркәлергә тиеш. Уен ике кешедән торган командага исәпләнгән. Барлык сораулар буенча +7(917)916-25-15 телефоны буенча мөрәҗәгать итәргә мөмкин.

Петанк – традицион француз урам уены. Шарны ыргытканда уенчының аяклары җирдән аерылмаска һәм сызылган түгәрәктән чыгарга тиеш түгел. Уенның максаты– тупны цельгә атып, максималь балл җыю.

Шулай ук укыгыз

Барлык вакыйгалар