Казанда яшәүчеләр өчен өч тел буенча бушлай мастер-класслар үткәреләчәк

Катнашучылар төрек сленгын, инглиз телендә ару темасына һәм Германиянең төп бәйрәмнәре турында сөйләшәчәкләр.

Фото: Казан шәһәре KZN.RU

(Казан шәһәре KZN.RU, 1 нче ноябрь). Ноябрь аенда Татарстанның Милли китапханәсендә инглиз, алман һәм төрек телләре буенча бушлай мастер-класслар узачак.

Китапханәнең матбугат хезмәте хәбәр иткәнчә, 6 нчы ноябрьдә инглиз теле дәресендә катнашучылар ару темасы буенча фикер алыша һәм үзләренең сүзлек байлыгын файдалы сүзләр белән тулыландыра алачак. Чара 16:00 сәгатьтә башлана.

17 нче ноябрьдә алман телен өйрәнергә теләүчеләргә Германиянең төп бәйрәмнәре турында сөйләячәкләр. Килүчеләр алман телендә котларга өйрәнәчәк һәм мөстәкыйль өйрәнү платформалары турында беләчәк. Очрашу 18:30 сәгатьтә башлана.

26 нчы ноябрьдә 14:00 сәгатьтә төрек теле буенча мастер-класс башлана. Анда казанлылар танышу серләрен һәм милли сленгны өйрәнә алачак.

Катнашу өчен сылтама буенча теркәлергә кирәк. Тәкъдим ителгән исемлектә кызыксындырган вакыйганы сайларга кирәк.

Шулай ук укыгыз

Барлык вакыйгалар